Jambyl oblysy Qordai aýdanyna qarasty Qalǵuty aýylyndaǵy balabaqshada qaiǵyly jaǵdai boldy. Eki jas eki ailyq búldirshin mekeme aýlasynda turǵan úrlemeli basseinge batyp, kóz jumǵan, dep habarlaidy dalanews.kz.
Bul týraly jýrnalist Rýslan Ótepbai áleýmettik jelidegi paraqshasynda jazdy.
Marqum balanyń anasynyń aitýynsha, oqiǵa kezinde balabaqsha qyzmetkerleri búldirshinge tiisti deńgeide qaramaǵan. Onyń sózinshe, bala qaraýsyz qalyp, aýladaǵy basseinge túsip ketken.
Qara jamylǵan otbasy oqiǵanyń barlyq mán-jaiy jan-jaqty ári obektivti tergelýin talap etip otyr.
"Balamnyń ólimine kimniń jaýapty ekenin anyqtap, qyzmetine salǵyrt qaraǵan jáne qaýipsizdik talaptarynyń saqtalýyna jaýapty tulǵalar zań aldynda jaýap bersin", – deidi balanyń jaqyndary.
Otbasy búldirshinniń basseinge qalai túskenin, sol sátte tárbieshilerdiń qaida bolǵanyn jáne balalardyń qaýipsizdigine naqty kim jaýapty bolǵanyn anyqtaýdy suraidy.
