Úsh birdei nysannyń lentasyn qiǵan QR Bilim jáne ǵylym ministri Aslan Bákenuly men QazmemQyzPÝ rektory Dinar Júsipáliqyzy, sondai-aq syily qonaqtar árbir ǵimarattyń ishki jabdyqtalýymen tolyqtai tanysyp, zamanaýi jabdyqtalǵan talaptarǵa rizashylyqtaryn bildirdi. Stýdentterdiń dastarhanynan dám tatqan ministr shákirttermen tildesip, oqý-bilim jaiynda syr shertti.
«Aq shatyr» jazǵy alańynda quttyqtaý sóz sóilegen A.Bákenuly «Qazirgi tańda Qazaqstanda jastar úshin barlyq jaǵdai jasalyp otyr. Jyl saiyn memleket tarapynan 150 myń oqý granty bólinedi. Kelesi jyldan bastap grantpen oqityn stýdentterdiń stependiiasy 25 paiyzǵa ósedi. Tehnikalyq mamandyqty igerip, óndiriste jumys isteimin degen jastar úshin indýstriialandyrý baǵdarlamasy boiynsha jańa jumys oryndary, ǵylymmen ainalysamyn degen shákirtter úshin zerthanalyq oryndar ashylyp jatyr. Osy oqý ornynda oqityn stýdentter ustazdyq joldy tańdaǵan. Ózderińiz bilesizder, muǵalimniń róli óte mártebeli. Ýniversitetti bitirip, mektepke baratyn stýdentterge jaqsy jańalyq bar. Elbasynyń sheshimimen kelesi jyldan bastap muǵalimderdiń jalaqysy 30-50 paiyzǵa ósetin bolady. Sondyqtan, jastar úshin barlyq jaǵdai jasalyp otyr. Tek qana jaqsy oqyp, eńbek etýimiz kerek. Osyndai keremet ǵimarattar ashyla bersin. Qazaqstanymyz órkendei bersin!» – degen júrekjardy tilegin aitty. Sonymen qatar, saltanatty jiynda úsh birdei nysannyń qurylysyn jasaqtaǵan ýniversitet basshylyǵyna alǵysyn bildirip, jańa oqý jylyna tabys tiledi.
450 orynǵa arnalǵan jańa jataqhana Elbasynyń tapsyrmasyna orai stýdentterdi jataqhanamen qamtý máselesine baǵyttalǵan «Stýdenttik baspana» memlekettik baǵdarlamasynyń aiasynda salyndy. Zaman talaptaryna sai salynǵan jataqhana jańa jihazdarmen tolyq jabdyqtalǵan, infraqurylymdyq múmkindigi óte joǵary. Birinshi qabatynda qyzdarǵa arnalǵan meditsinalyq ortalyq ornalasqan. Sonymen qatar, qyzdardyń sán salony, jattyǵýǵa arnalǵan fitnes zaly, kompiýter, demalys bólmeleri jumys isteidi. Ár qabatta kir jýatyn bólmeler, kerek-jaraqtarmen jabdyqtalǵan asúiler bar. Zamanaýi telekommýnikatsiialyq jeli, Wi-Fi symsyz jelileri tartylǵan. Bir sózben aitqanda, jańa stýdentter úiinde boijetkenderdiń bos ýaqytty utymdy ótkizýlerine barlyq jaǵdai oilastyrylǵan. Qyzdar ýniversitetinde elimizdiń barlyq alys aimaqtarynan keletin stýdent-qyzdardyń kóp kelip oqitynyn eskersek, bul memlekettiń ult tárbieshilerine degen qamqorlyǵy ekeni anyq.
Júzý basseini jastardyń densaýlyǵyn jaqsartý maqsatyn kózdeitin «Salamatty Qazaqstan» baǵdarlamasy aiasynda ýniversitettiń qarjysyna boi kóterdi. Elimiz úshin deni saý, rýhy taza urpaq ósirip tárbieleý de eń mańyzdy da negizgi másele. Elbasy N.Á.Nazarbaev «Qazaqstan-2050» strategiiasy – qalyptasqan memlekettiń jańa saiasi baǵyty» Joldaýynda «Salaýatty ómir saltyn qalyptastyrý – ult densaýlyǵynyń kilti bolyp tabylady. Biz balalarymyzdyń densaýlyǵyn qamtamasyz etýge jańa tásilder engizý máselesimen jumys júrgizýimiz qajet, jastar densaýlyǵyna mán berýimiz kerek», – degen bolatyn. Osy oraida, paidalanýǵa beriletin júzý basseini sportpen ainalysýǵa, deni saý urpaq qalyptastyrýǵa, jastardyń salaýatty ómir saltyn ustanýyna óz yqpalyn tigizeri sózsiz.
Úshinshi nysan «Aq shatyr» jazǵy oiyn-saýyq alańy – Elordada ornalasqan «Han Shatyry» ispetti salynǵan. Keń de ásem ári ulttyq naqyshta turǵyzylǵan alańnyń ishki sáýleti qazaq úi siiaqty áspettelip, tóbesindegi shańyraqqa ainala ýyqtar qoiylǵan.
Búginde otandyq bilim salasynyń damýy memlekettik saiasattyń basty jáne negizgi baǵyty. Memleket qashanda bilim berý máselesine erekshe mańyz berip, stýdentterdiń básekege qabiletti bolyp shyǵýy úshin barlyq jaǵdailardy jasap keledi. Atalmysh nysandardyń boi kóterýi sonyń naqty dáleli. «Jańa jataqhana men basseinniń padalanýyna berilgenine óte qýanyshtymyn. Qyzdardyń bilim alýyna barlyq jaǵdai bar. Árbir nysan erekshe. Jataqhana jaily. Byltyr 70 jyldyq mereitoida «Qazaq arýy» atty sýburqaq salynsa, biyl, mine, úsh birdei nysan Qyzdar qalashyǵynyń sánin kirgizdi», – deidi QazMemQyzPÝ Stýdentter Aliansynyń tóraiymy Nurilá Jumanqulqyzy. Stýdentter paidalanýǵa berilgen jańa ǵimarattardan Qazaqstannyń damýyna zor úles qosatyn tulǵalardyń shyǵatynyna zor senim artyp otyr.
Almatynyń aq jaýynynda qonaqtar men stýdentterge qorǵan bolǵan «Aq shatyrdyń» astynda Aslan Bákenuly barsha qonaqtarmen jáne stýdenttermen birge Qyzdar ýniversiteti ónerpazdarynyń saltanatty kontsertin tamashalady.
«Qyzdar ýniversiteti» media ortalyǵy
