19 tamyzda Astana men elimizdiń 16 oblysynda daýyldy eskertý jariialandy. Soltústik, ortalyq jáne shyǵys óńirlerde nóser jańbyr, naizaǵai, burshaq pen ekpindi jel boljansa, batys pen ońtústikte aptap ystyq saqtalady. Birqatar óńirde órt qaýpi joǵary, dep habarlaidy dalanews.kz.
"Qazgidromet" málimetinshe, Astanada tańerteń jáne kúndiz jańbyr jaýyp, naizaǵai oinaidy. Qalada joǵary órt qaýpi saqtalady.
Aqmola oblysynyń batysy, soltústigi men ońtústiginde túnde jańbyr jaýyp, naizaǵai kútiledi. Kúndiz atalǵan aýdandarda jaýyn kúsheiip, burshaq jaýýy jáne ekpindi jel soǵýy múmkin. Túnde jáne tańerteń óńirdiń batysy men soltústigin tuman basady. Oblystyń ońtústigi men shyǵysynda joǵary, batysy men ortalyǵynda tótenshe órt qaýpi bar. Kókshetaýda kúndiz jańbyr jaýyp, naizaǵai oinaidy.
Soltústik Qazaqstan oblysynyń batysy, soltústigi men ońtústiginde jańbyr, naizaǵai jáne burshaq boljanady. Kúndiz oblystyń ońtústiginde qatty jańbyr jaýyp, jel kúsheiedi. Túnde jáne tańerteń birqatar aýdanda tuman túsýi yqtimal. Óńirdiń batysy men shyǵysynda joǵary órt qaýpi saqtalady. Petropavlda kúndiz jańbyr jaýyp, naizaǵai oinaidy jáne burshaq túsedi.
Qostanai oblysynyń batysy, soltústigi men shyǵysynda jańbyr men naizaǵai kútiledi. Kúndiz burshaq jaýyp, jeldiń ekpini kúsheiedi. Túnde jáne tańerteń batys pen soltústikte tuman túsedi. Oblystyń basym bóliginde joǵary, al ońtústigi, ońtústik-shyǵysy men ortalyǵynda tótenshe órt qaýpi bar. Qostanaida tańerteń jáne kúndiz jańbyr jaýyp, naizaǵai oinaidy.
Pavlodar oblysynyń batysy, ońtústigi men ortalyǵynda kúndiz jańbyr, naizaǵai jáne burshaq boljanady. Ońtústik pen shyǵysta joǵary, ortalyq aýdandarda tótenshe órt qaýpi saqtalady. Pavlodarda da kúndiz jaýyn jaýyp, naizaǵai oinap, burshaq túsýi múmkin.
Qaraǵandy oblysynyń batysy, soltústigi men shyǵysynda kúndiz jańbyr jaýyp, naizaǵai oinaidy. Kei jerlerde burshaq pen ekpindi jel kútiledi. Batys, shyǵys jáne ońtústikte tótenshe, soltústik-batys pen ortalyqta joǵary órt qaýpi bar. Qaraǵandyda kúndiz jańbyr, naizaǵai jáne burshaq boljanady.
Ulytaý oblysynyń soltústigi men shyǵysynda kúndiz azdaǵan jańbyr jaýyp, naizaǵai oinaidy. Oblys aýmaǵynda jáne Jezqazǵan qalasynda tótenshe órt qaýpi saqtalady.
Shyǵys Qazaqstan oblysynyń soltústigi men shyǵysynda jańbyr jaýyp, naizaǵai oinaidy. Kúndiz burshaq túsip, jel kúsheiýi múmkin. Túnde jáne tańerteń soltústikte tuman boljanady. Soltústik-batys pen shyǵysta joǵary, ońtústik pen ortalyqta tótenshe órt qaýpi bar.
Abai oblysynyń soltústiginde túnde jańbyr jaýyp, naizaǵai oinaidy. Oblystyń basym bóliginde joǵary, ońtústigi men ortalyǵynda tótenshe órt qaýpi saqtalady. Semeide túnde jańbyr men naizaǵai kútiledi.
Almaty oblysynyń taý bókteri men taýly aýdandarynda kúndiz ótkinshi jańbyr jaýyp, naizaǵai oinaidy. Kúndizgi temperatýra +35°C-qa deiin kóteriledi. Óńirdiń batysy men soltústiginde tótenshe, ońtústigi, shyǵysy men ortalyǵynda joǵary órt qaýpi bar. Qonaevta kúndiz +35°C ystyq bolady.
Almatyda joǵary órt qaýpi saqtalady. Ile Alataýynyń taýly bóliginde kúndiz ótkinshi jańbyr men naizaǵai boljanady.
Jetisý oblysynyń taýly aýdandarynda kúndiz azdaǵan jańbyr jaýyp, naizaǵai oinaidy. Oblysta jáne Taldyqorǵanda tótenshe órt qaýpi saqtalady.
Jambyl oblysynyń taýly aýdandarynda kúndiz ótkinshi jańbyr jaýyp, naizaǵai kútiledi. Óńirdiń basym bóliginde tótenshe, shyǵysy men ońtústiginde joǵary órt qaýpi bar. Tarazda tótenshe órt qaýpi saqtalady.
Túrkistan oblysynyń taýly aýdandarynda kúndiz ótkinshi jańbyr jaýyp, naizaǵai oinaidy. Oblysta, sondai-aq Shymkent pen Túrkistan qalalarynda tótenshe órt qaýpi jariialandy.
Aqtóbe oblysynyń soltústigi men ońtústiginde túnde azdaǵan jańbyr jaýyp, naizaǵai oinaidy. Kúndiz aýa temperatýrasy +35°C-qa deiin kóteriledi. Óńirdiń ortalyǵynda joǵary, qalǵan aýmaǵynda tótenshe órt qaýpi saqtalady. Aqtóbede kúndiz +35°C ystyq bolady.
Atyraý oblysynda aýa temperatýrasy +38°C-qa, al Atyraý qalasynda +37°C-qa deiin kóteriledi. Óńirde tótenshe órt qaýpi saqtalady.
Mańǵystaý oblysynyń batysy, ońtústigi men ortalyǵynda jańbyr jaýyp, naizaǵai oinaidy. Soǵan qaramastan, kúndiz aýa temperatýrasy +40°C-qa deiin jetedi. Oblysta tótenshe órt qaýpi bar. Aqtaýda kei ýaqytta jańbyr jaýyp, naizaǵai oinaidy.
Batys Qazaqstan oblysynda kúndiz aýa temperatýrasy +37°C-qa deiin kóteriledi. Oblystyń basym bóliginde tótenshe, soltústigi men soltústik-batysynda joǵary órt qaýpi saqtalady.
