Qazaqstan astanasynda Polpharma tobynyń Baqylaý keńesiniń tóraǵasy Eji Staraktyń qatysýymen baspasóz konferentsiiasy ótti. Is-shara barysynda onyń Qazaqstan Respýblikasynyń memlekettik nagradasy «Dostyq» ordenimen marapattalǵany jariialandy, dep habarlaidy dalanews.kz.
Marapatty Qazaqstan Respýblikasynyń Prezidenti Qasym-Jomart Toqaev Qazaqstan Respýblikasy Prezidenti janyndaǵy Sheteldik investorlar keńesiniń XXXVIII plenarlyq otyrysy aiasynda tabystady. Bul marapat Eji Starak pen Polpharma tobynyń elimizdiń farmatsevtika salasyn damytýǵa, densaýlyq saqtaý júiesin nyǵaitýǵa jáne patsientterdiń zamanaýi dárilik preparattarǵa qoljetimdiligin arttyrýǵa qosqan kópjyldyq úlesiniń joǵary baǵalanýynyń belgisi boldy.
Kezdesý barysynda Eji Starak Qazaqstannyń Polpharma toby úshin strategiialyq mańyzǵa ie ekenin atap ótip, kompaniianyń óńirge uzaq merzimdi investitsiia salýǵa degen ustanymyn taǵy bir márte rastady.
«Biz úshin Qazaqstan tek naryq qana emes, ondaǵan jyldarǵa arnalǵan senimdi seriktestik. Biz óndiristi jergiliktendirýge, tehnologiialar transferine jáne farmatsevtikalyq saraptamany damytýǵa júieli túrde investitsiia salyp kelemiz. Osy arqyly ulttyq densaýlyq saqtaý júiesiniń turaqtylyǵyn nyǵaitýǵa óz úlesimizdi qosamyz», – dedi Eji Starak.
Ol sondai-aq jergilikti óndiristi damytý men eldiń dárilik qaýipsizdigin nyǵaitý kompaniianyń negizgi strategiialyq basymdyqtarynyń biri bolyp qala beretinin atap ótti.
Baspasóz konferentsiiasy barysynda Qazaqstandaǵy óndiristik qýattardy keńeitýge, ozyq tehnologiialardy engizýge jáne GMP halyqaralyq sapa standarttaryna sáikes zamanaýi dárilik preparattardy shyǵarýǵa baǵyttalǵan strategiialyq investitsiialyq jobaǵa erekshe nazar aýdaryldy. Quny 60 million eýrony quraityn joba óndiristi odan ári jergiliktendirýdi kózdeidi. Bul elimizdiń dárilik táýelsizdigin nyǵaitýǵa jáne farmatsevtika ónerkásibiniń damýyna yqpal etedi.
Eji Starak ornyqty densaýlyq saqtaý júiesin qalyptastyrýdaǵy memleket pen biznestiń seriktestiginiń mańyzdylyǵyna toqtaldy.
«Qazirgi zamanǵy densaýlyq saqtaý júieleri tek investitsiialardy ǵana emes, sonymen qatar senimge, innovatsiialarǵa jáne uzaq merzimdi kózqarasqa negizdelgen strategiialyq seriktestikti qajet etedi. Memleket pen biznestiń birlesken kúsh-jigeri ǵana patsientter úshin emdeýdiń qoljetimdiligi men turaqtylyǵyn qamtamasyz ete alady», – dedi ol.
Baspasóz konferentsiiasy aiasynda Polpharma tobynyń jasandy intellekt negizindegi tsifrlyq sheshimderi tanystyryldy. Prezentatsiiany Polpharma tobynyń transformatsiia jáne tsifrlandyrý jónindegi jetekshisi Fabritsio Franchezio usyndy.
«Biz ónimderdi ázirleýdi jedeldetýge, óndiristik protsesterdi ońtailandyrýǵa jáne qabyldanatyn sheshimderdiń sapasyn arttyrýǵa múmkindik beretin jasandy intellekt negizindegi sheshimderdi belsendi túrde engizip kelemiz. Tsifrlyq transformatsiia – jai ǵana trend emes, bul bizdiń ornyqty damý strategiiamyzdyń negizgi elementi», – dedi Fabritsio Franchezio.
Onyń aitýynsha, tsifrlyq tehnologiialar búginde tiimdiliktiń negizgi faktoryna ainalyp keledi.
«Derekter men analitikany paidalaný boljaý, sapany basqarý jáne operatsiialyq qyzmettiń turaqtylyǵyn arttyrý baǵytynda jańa múmkindikter ashady. Bul naryqtyń qajettilikterine jedel áreket etýge jáne patsientter úshin innovatsiialyq sheshimderdiń qoljetimdiligin arttyrýǵa múmkindik beredi», – dedi ol.
Baspasóz konferentsiiasy Qazaqstannyń farmatsevtika salasynyń damý perspektivalary men onyń ornyqty ósimindegi halyqaralyq investorlardyń rólin talqylaýǵa arnalǵan mańyzdy alańǵa ainaldy.
Polpharma Santo kompaniiasy týraly
Kompaniianyń tarihy 1882 jyldan bastaý alady. Dál osy jyly Shymkentte dermene jýsany negizindegi Santoninpreparatyn óndirý jolǵa qoiyldy. 2011 jyly kásiporyn halyqaralyq Polpharma farmatsevtikalyq tobynyń quramyna enip, cGMP halyqaralyq standarttaryna sáikes aýqymdy jańǵyrtý jumystary bastaldy. Kompaniiaǵa salynǵan investitsiianyń jalpy kólemi 130 million AQSh dollarynan asty.
Polpharma toby – Ortalyq jáne Shyǵys Eýropa men TMD keńistigindegi jetekshi farmatsevtikalyq óndirýshilerdiń biri. Kompaniia Ortalyq jáne Shyǵys Eýropa, Kavkaz jáne Ortalyq Aziia naryqtarynda tabysty jumys isteidi. Top quramynda alty óndiristik zaýyt pen tórt ǵylymi-zertteý ortalyǵy bar. Polpharma álemdegi eń iri 20 generikalyq dárilik preparat óndirýshileriniń qataryna kiredi. Kompaniiada 5600-den astam qyzmetker eńbek etedi jáne 500-den astam dárilik preparat shyǵarylady.
Polpharma Santo – Qazaqstandaǵy eń iri dárilik preparat óndirýshilerdiń biri. Shymkenttegi kásiporynda elimizde qoldanylatyn árbir besinshi dárilik preparat qaptamasy óndiriledi. Kompaniia shamamen 1400 jumys ornynqamtamasyz etip, joǵary oqý oryndarymen jáne kolledjdermen belsendi yntymaqtastyq ornatqan ári kadrlardy daiarlaý baǵdarlamalaryn júzege asyrady.
Kompaniia portfelinde 14 terapiialyq baǵytty qamtityn 380-nen astam dárilik preparat bar. Sońǵy 15 jyl ishinde ampýlalar men infýziialyq eritindiler, antibiotik untaqtary jáne qatty dárilik túrler óndirisi tolyq jańǵyrtylyp, Tsifrlyq injenerlik jáne bilim berý ortalyǵy men Innovatsiialar jáne sapa ortalyǵy iske qosyldy. Barlyq óndiris GMP jáne GDP halyqaralyq standarttaryna tolyq sáikes keledi.
2025 jyldan bastap Polpharma Santo Eýropalyq Odaqtyń GMP sertifikatyn alǵan Ortalyq Aziiadaǵy alǵashqy kompaniia atandy. Bul kompaniiaǵa Eýropalyq Odaq naryǵyna shyǵýǵa jáne eksporttyq áleýetin keńeitýge múmkindik berdi.
Kásiporynnyń jyldyq óndiristik qýaty:
• 1,5 milliard tabletka men kapsýla;
• 200 million ampýla;
• 60 million antibiotik qutysy;
• 7 million sterildi emes eritindi qutysy.
Polpharma Santo – salanyń eń iri salyq tóleýshileriniń biri, memlekettik densaýlyq saqtaý júiesiniń senimdi seriktesi jáne importty almastyrý men óndiristi jergiliktendirý baǵdarlamalarynyń belsendi qatysýshysy.
