Qazaqstanǵa zańsyz shyǵarylǵan aktivterdi qaitarý jumystary aiasynda memleket menshigine 1,1 trln teńgeden astam qarjy men múlik qaitaryldy. Bul týraly Úkimettiń baspasóz qyzmeti málimdedi, dep habarlaidy dalanews.kz.
Resmi aqparatqa sáikes, qaitarylǵan aktivterdiń basym bóligi aqshalai qarajat túrinde túsken. Qarajat elimizdiń óńirlerindegi áleýmettik jáne injenerlik infraqurylymdy damytýǵa baǵyttalyp jatyr.
Búginde qaitarylǵan qarajat esebinen júzege asyrylatyn 500-den astam jobany qarjylandyrý maquldanǵan. Olardyń jalpy quny 617,7 mlrd teńgeni quraidy.
Úkimettiń málimetinshe, bul jobalar óńirlerdegi turǵyndardyń ómir sapasyn arttyrýǵa, áleýmettik nysandar salýǵa jáne kommýnaldyq infraqurylymdy jańǵyrtýǵa múmkindik beredi.
Aita keteiik, Qazaqstanda zańsyz shyǵarylǵan aktivterdi memleketke qaitarý jumystary arnaiy tetikter arqyly júrgizilip keledi. Qaitarylǵan qarajat áleýmettik mańyzy bar jobalardy iske asyrýǵa jáne óńirlerdi damytýǵa jumsalýda.
