2026 jyldyń qańtar-shilde ailarynda Qazaqstanda jalpy kólemi 9,1 myń tonnadan astam shai jáne kofe óndirilgen. Ulttyq statistika biýrosynyń málimetinshe, óndirilgen ónimniń 3,8 myń tonnasy shaiǵa tiesili, dep habarlaidy dalanews.kz.
Shai óndirisiniń basym bóligi Almaty qalasynda shoǵyrlanǵan. Esepti kezeńde qala kásiporyndary 3 528 tonna shai óndirip, respýblikadaǵy jalpy kólemniń 92,1 paiyzyn qamtamasyz etken. Jeti ai ishinde Qazaqstanǵa 18,3 myń tonna shai importtaldy. Al ishki naryqta 20,8 myń tonna ónim satylǵan.
Statistikaǵa sáikes, el turǵyndary ai saiyn orta eseppen jan basyna shaqqanda shamamen 100 gramm shai tutynady. Sondai-aq jyldyń alǵashqy alty aiynda Qazaqstannan shetelge 3,9 myń tonna shai men kofe eksporttalǵan.
Qazaqstanǵa shai jetkizetin negizgi elder qatarynda Keniia, Úndistan, Resei, Italiia jáne Qytai bar.
