Qazaqstandyq júrgizýshilerdiń bir bóligine jyldamdyq rejimin buzǵany úshin aiyppul qate rásimdelgen, dep habarlaidy dalanews.kz.
Málimetke sáikes, 13-14 tamyz aralyǵynda Bas prokýratýranyń Ákimshilik quqyq buzýshylyqtardyń biryńǵai tizilimine aqparattyq júiesinde tehnikalyq aqaý oryn alǵan. Sonyń saldarynan quqyq buzýshylyqtar boiynsha nusqamalardy avtomatty túrde qalyptastyrý kezinde qatelik ketken.
Atap aitqanda, ortasha jyldamdyqty asyrý faktileriniń bir bóligi lezde tirkeletin jyldamdyqty asyrý retinde rásimdelip ketken.
Qazirgi ýaqytta ýákiletti organdar atalǵan tehnikalyq aqaýdyń saldaryn joiý jumystaryn júrgizip jatyr. Sondai-aq qate salynǵan aiyppuldardy tólep qoiǵan júrgizýshilerge qarajatty qaitarý tetigi ázirlenýde.
Quzyrly mekemeler júrgizýshilerdi alańdamaýǵa shaqyryp, másele tolyq baqylaýda ekenin málimdedi. Tehnikalyq aqaý saldarynan týyndaǵan barlyq jaǵdailar qaita qaralady.
