Halyqaralyq faktcheking qaýymdastyǵy GFCN (Global Fact-Checking Network) Qazaqstandaǵy 15 million azamattyń jeke derekteri tarady degen aqparatqa qatysty zertteý materialyn jariialady, dep habarlaidy dalanews.kz.
Halyqaralyq uiymnyń jariialanymyna qazaqstandyq NoFake.kz platformasynyń saraptamalyq taldaýy negiz bolǵan. Onda aýqymdy derekterdiń taralýy týraly habarlamalardyń qalai paida bolatyny, olardyń qandai joldarmen keń taralatyny jáne mundai aqparatqa buqaralyq aqparat quraldarynyń qalai qaraýy kerektigi jan-jaqty túsindirilgen.
GFCN materialynda tsifrlyq keńistiktegi jalǵan aqparattyń taralý mehanizmderi taldanyp, qoǵamda rezonans týdyratyn aqparattardy jariialaý kezinde derekterdi muqiiat tekserýdiń mańyzdylyǵy atap ótilgen.
Sarapshylardyń pikirinshe, áleýmettik jeliler men messendjerlerde taraityn mundai málimetter azamattardyń alańdaýshylyǵyn kúsheitip qana qoimai, aqparattyq keńistikte senim daǵdarysyn týyndatýy múmkin. Sondyqtan faktcheking quraldary men táýelsiz tekserý alańdarynyń róli artyp keledi.
