Qazaqstanda salynyp jatqan Data Center Valley (Derekterdi óńdeý ortalyqtary alqaby) jobasynyń alǵashqy nysanyn paidalanýǵa berý 2027 jyldyń maýsym aiyna josparlanǵan, dep habarlaidy dalanews.kz.
Qazirgi ýaqytta qýaty 50 megavatt bolatyn alǵashqy nysannyń qurylysy qarqyndy júrip jatyr. Joba aiasynda energiia ortalyqtary men jasandy intellekt fabrikalaryna arnalǵan ǵimarattardyń irgetas shuńqyrlaryn qazý jumystarynyń 90 paiyzy aiaqtalǵan. Sonymen qatar energiia ortalyqtarynyń irgetasyn quiý bastalyp, ákimshilik-turmystyq ǵimarattardyń qurylysy júrgizilip jatyr.
Josparǵa sáikes, 2026 jyldyń jeltoqsan aiynyń sońyna deiin derekterdi óńdeý ortalyǵynyń negizgi korpýstary, energiia bloktary, ákimshilik-turmystyq keshen, baqylaý-ótkizý beketteri jáne syrtqy injenerlik jelilerdiń bir bóligi salynyp bitedi.
Al iske qosý jáne synaqtan ótkizý jumystary 2027 jyldyń mamyr aiynda aiaqtalady, sodan keiin alǵashqy nysan 2027 jyldyń maýsymynda paidalanýǵa beriledi.
Injenerlik infraqurylym qatar damyp jatyr
Joba aýmaǵynda injenerlik infraqurylymdy damytý jumystary da qatar júrgizilip jatyr. Energiiamen qamtamasyz etý úshin qýaty 215 megavatt bolatyn qosalqy stansa satyp alynǵan. Sonymen birge sýmen jabdyqtaý jelileriniń jobasy ázirlenip, telekommýnikatsiialyq infraqurylymdy jobalaý jumystary jalǵasyp jatyr.
Qurylys alańynda táýlik boiy jumys barysyn baqylaýǵa múmkindik beretin onlain-beinebaqylaý júiesi ornatylǵan.
Jobanyń bolashaq qýaty 1 gigavatqa deiin ulǵaitylady
Jobany júzege asyrýshylardyń málimetinshe, Data Center Valley kesheniniń uzaqmerzimdi energetikalyq áleýeti kezeń-kezeńimen keńeitilip, jalpy qýaty 1 gigavatqa deiin jetkiziledi. Mamandardyń pikirinshe, bul joba Qazaqstandaǵy jasandy intellekt tehnologiialaryn damytýǵa, bultty servisterdi ornalastyrýǵa jáne óńirlik tsifrlyq infraqurylymdy kúsheitýge múmkindik beredi.
