Qazaqstanda jumys berýshiler qyzmetkerlerge meditsinalyq skriningten ótý úshin arnaiy ýaqyt berýge mindetteledi, dep habarlaidy dalanews.kz.
Senat eńbek zańnamasyn jetildirýge baǵyttalǵan túzetýlerdi maquldady
Jańa zań jumysshylardyń quqyqtaryn qorǵaýdy kúsheitýge, eńbek qaýipsizdigin arttyrýǵa jáne áleýmettik áriptestikti damytýǵa baǵyttalǵan.
Túzetýlerge sáikes, endi meditsinalyq uiymdar tsifrlyq júieler arqyly jumys berýshilerge qyzmetkerlerdiń skriningtik tekserýden ótý qajettiligi týraly habarlama jiberedi.
Sonymen qatar jumys berýshiler qyzmetkerlerge skriningten ótý úshin arnaiy ýaqyt berýge mindetteledi. Bul kezde jumys orny men ortasha jalaqysy tolyq saqtalýy tiis.
Zańda mundai demalysty bermegen jumys berýshiler jaýapkershilikke tartylatyny da kórsetilgen.
Qujat aiasynda eńbek qatynastaryndaǵy áleýmettik áriptestik te kúsheitiledi. Endi óńirlik deńgeide kelisimderdiń oryndalýy boiynsha esepter mindetti túrde tyńdalady.
Sondai aq qyzmetkerlerdiń quqyqtary jeke ómirdi qorǵaý, ar namys pen qadir qasietti qurmetteý normalarymen tolyqtyryldy.
Jumys berýshilerge eńbek jaǵdaiynyń qaýipsizdik talaptaryna sai bolýyn qamtamasyz etý mindeti bekitiledi.
Budan bólek, kásiporyndardaǵy ishki baqylaý aiasynda eńbek qaýipsizdigi jónindegi tehnikalyq inspektorlardyń ókilettigi keńeitiledi.
