Qazaqstanda 2026 jylǵy qańtar-shildede qurylys jumystarynyń kólemi 15,3%-ǵa ósip, 5 061,1 mlrd teńgeni qurady, dep habarlaidy dalanews.kz.
Qurylys jumystarynyń jalpy kóleminde avtomobil joldary, temirjoldar men metropoliten qurylysynyń úlesi 24,7%-dy qurady. Turǵyn emes ǵimarattar qurylysynyń úlesi 21,4%, turǵyn úi qurylysynyń úlesi 13,4% boldy.
Oryndalǵan qurylys jumystarynyń 90,1%-y jeke qurylys uiymdaryna tiesili. Sheteldik uiymdar 9,2%, memlekettik qurylys uiymdary 0,7% jumys atqardy.
Qurylys jumystary kóleminiń jyldyq ósimi negizinen imarattardy salý jáne jóndeý jumystarynyń 19,5%-ǵa artýymen bailanysty.
Óńirler bólinisinde 18 óńirde qurylys jumystary kóleminiń óskeni baiqaldy. Eń joǵary ósim Ulytaý oblysynda tirkelip, kórsetkish úsh esege artty.
Sonymen qatar Qyzylorda oblysynda qurylys jumystary 34,9%-ǵa, Pavlodar oblysynda 32%-ǵa, Atyraý oblysynda 27,9%-ǵa, Túrkistan oblysynda 25,7%-ǵa, Shyǵys Qazaqstan oblysynda 24,5%-ǵa, Abai oblysynda 23,1%-ǵa jáne Qostanai oblysynda 22,3%-ǵa ósti.
Batys Qazaqstan oblysynda ósim 17,3%, Jambyl oblysynda 14,7%, Almaty qalasynda 23,3% boldy.
2026 jylǵy qańtar-shildede paidalanýǵa berilgen jańa nysandardyń jalpy alańy 12,339 mln sharshy metrdi qurady.
Osy kezeńde paidalanýǵa berilgen turǵyn úilerdiń jalpy alańy ótken jyldyń sáikes kezeńimen salystyrǵanda 3,9%-ǵa ósip, 9,746 mln sharshy metrge jetti. Onyń ishinde 6,5464 mln sharshy metri kóppáterli turǵyn úilerge, 3,1579 mln sharshy metri jeke turǵyn úilerge tiesili.
Paidalanýǵa berilgen turǵyn úilerdiń basym bóligi, iaǵni 9,2895 mln sharshy metri nemese 95,3%-y jeke qurylys salýshylardyń úlesinde. Onyń ishinde 3,3213 mln sharshy metr turǵyn úidi halyq óz kúshimen paidalanýǵa bergen.
Áleýmettik infraqurylym boiynsha da jańa nysandar paidalanýǵa berildi.
Qańtar-shilde ailarynda 18 090 oqýshy ornyna arnalǵan 32 jalpy bilim beretin mektep, 4 207 orynǵa arnalǵan 32 mektepke deiingi uiym jáne aýysymyna 198 kelýshige arnalǵan 6 ambýlatoriialyq-emhanalyq uiym paidalanýǵa berildi.
Sonymen qatar aýrýhanalarda 120 qosymsha tósek-oryn iske qosyldy.
