Qazaqstanda Quryltai depýtattaryn sailaýǵa bir táýlik qaldy. 22 tamyzda "tynyshtyq kúni" bastaldy. Bul kúni sailaýaldy úgit júrgizýge, partiialar men kandidattar týraly úgit sipatyndaǵy materialdardy jariialaýǵa jáne sailaýshylardy belgili bir tańdaý jasaýǵa shaqyrýǵa tyiym salynady, dep habarlaidy dalanews.kz.
23 tamyzda Qazaqstanda bir palataly Parlament - Quryltai depýtattaryn sailaý ótedi. Jańa Parlament quramyna 145 depýtat bes jyl merzimge sailanady. Keiin depýtattar Quryltai tóraǵasy men onyń úsh orynbasaryn sailaidy. Jańa Parlament qalyptasqan soń Úkimet óz ókilettigin Quryltai aldynda toqtatady.
22 tamyzda kez kelgen sailaýaldy úgitke tyiym salynady. Kandidattar men partiialardy qoldap daýys berýge shaqyrýǵa, úgit jarnamasyn taratýǵa bolmaidy.
Tyiym tek partiialar men kandidattarǵa emes, barlyq azamatqa da qatysty. Sondyqtan áleýmettik jelide úgit materialdaryn qaita jariialaýǵa bolmaidy. Al "tynyshtyq kúnine" deiin jariialanǵan jazbalardy óshirý talap etilmeidi.
Bul talapty buzǵandarǵa 15-ten 35 AEK-ke deiin aiyppul salynýy múmkin. 2026 jyly bul 55 380-nan 129 220 teńgege deiin jetedi.
