Qazaqstanda jumys kúshi quramyndaǵy azamattar sany 9,8 million adamǵa jetti. Bul kórsetkish ótken jylmen salystyrǵanda 103 myńnan astam adamǵa artqan. Bul týraly Eńbek jáne halyqty áleýmettik qorǵaý ministrligi málimdedi, dep habarlaidy dalanews.kz.
Vedomstvo dereginshe, eldegi jumyspen qamtylǵandar sany 9,3 million adamǵa deiin kóbeigen. Onyń ishinde tolyq áleýmettik paketpen jumys isteitin jaldamaly qyzmetkerler sany aitarlyqtai ósip, 7,2 million adamǵa jetken. Bir jyl ishinde mundai qyzmetkerler qatary shamamen 150 myń adamǵa artqan.
Sonymen qatar ózin-ózi jumyspen qamtyǵandardyń úlesi azaiyp keledi. Ministrlik bul úrdisti azamattardyń beiresmi jumystan resmi eńbek naryǵyna aýysyp jatqanymen bailanystyrady. Iaǵni, qazaqstandyqtar áleýmettik kepildikteri bar turaqty jumys oryndaryn kóbirek tańdaýda.
Biylǵy jyldyń basynan beri memlekettik qoldaý sharalarynyń nátijesinde 388 512 adam jumyspen qamtylǵan. Olardyń 298 904-i turaqty jumys oryndaryna ornalasqan.
Sarapshylardyń pikirinshe, resmi jumyspen qamtýdyń artýy eńbek naryǵynyń turaqtylyǵyn kúsheitip, azamattardyń áleýmettik qorǵalý deńgeiin jaqsartýǵa múmkindik beredi.
