Qazaqstanda rýbldi aiyrbastai almaǵanyn aitqan reseilik áiel jelide shaǵymdandy, dep habarlaidy dalanews.kz.
Ol rýbldi teńgege aiyrbastai almaǵanyn aityp, áleýmettik jelide jazba jariialady.
Áiel Kaspi bólimshesine baryp, rýbldi aiyrbastamaq bolǵan. Alaida oǵan bank bul valiýtamen jumys istemeitini aitylǵan. Keiin ol CenterCredit bankine júginip, rýbldi teńgege aiyrbastaǵanyn aitqan.
Oqiǵa áleýmettik jeli qoldanýshylary arasynda qyzý pikirtalas týdyrdy. Keibireýler "rýbldi qabyldamaý qalypty jaǵdai" dep baǵalasa, endi biri Reseidiń shekaralas óńirlerinde teńgeniń de barlyq jerde qabyldana bermeitinin alǵa tartty.
"Unamasa, kelmei-aq qoisyn. Al kelgen eken, eldiń tártibin qurmettep, talaptaryn qabyldaýy kerek. Óz quqyǵyn óz elinde talap etsin. Munda olardyń eshqandai erekshe quqyǵy joq. Muny jaqsylap túsinip alǵan jón", "Biz eshkimniń rýblin qabyldaýǵa mindetti emespiz. Aiyrbastap bergenine raqmet aitýy kerek".
