Qazaqstanda etnikalyq qazaqtarǵa beriletin S1 jáne S10 sanatyndaǵy vizalardyń qoldanylý merzimin qysqartý josparlanyp otyr, dep habarlaidy dalanews.kz.
Bul ózgeris Syrtqy ister jáne Ishki ister ministrlikteriniń vizalardy rásimdeý, kúshin joiý, qalpyna keltirý, sondai-aq olardyń qoldanylý merzimin uzartý jáne qysqartý qaǵidalaryna engiziletin túzetýler jobasynda qarastyrylǵan. Qujat 2026 jylǵy 26 mamyrda jariialanǵan.
Joba sipattamasynda S1 jáne S10 sanattaryndaǵy vizalardyń qoldanylý merzimin qysqartý vizalyq retteýdi ózektendirýge, kóshi-qon baqylaýyn jetildirýge jáne jekelegen viza sanattarynyń merzimderin olardy rásimdeý maqsattaryna sáikestendirýge baǵyttalǵany aitylǵan.
Qoldanystaǵy talaptarǵa sáikes, S1 vizasy Qazaqstanǵa turaqty turý maqsatymen keletin nemese elde júrgen etnikalyq qazaqtarǵa beriledi. Qazirgi qaǵida boiynsha ol kóp mártelik jáne bir jylǵa deiin jaramdy.
Al S10 vizasy Qazaqstanǵa jeke saparmen keletin etnikalyq qazaqtarǵa arnalǵan. Qoldanystaǵy tártip boiynsha bir mártelik viza 90 táýlikke deiin, al kóp mártelik viza úsh jylǵa deiin beriledi.
Jańa ózgerister qabyldanǵan jaǵdaida, atalǵan vizalardyń qoldanylý merzimderi qysqarýy múmkin.
Qujat ázirge ózgerister jobasy retinde jariialanǵan.
