Qarjy naryǵyn retteý jáne damytý agenttigi men Qazaqstan qarjygerler qaýymdastyǵy azamattardyń ótelýi múmkin emes nesieleri esepten shyǵarylǵan jaǵdaida, olardy jeke tabys salyǵynan tolyq bosatýdy usyndy, dep habarlaidy dalanews.kz.
Nege.kz málimetinshe, qoldanystaǵy Salyq kodeksine sáikes, bank esepten shyǵarǵan bereshek qaryz alýshynyń tabysy retinde esepteledi. Sondyqtan azamat odan jeke tabys salyǵyn tóleýge mindetti. Qazir salyqtan bosatý jeńildigi tek jekelegen jaǵdailarda ǵana qarastyrylǵan.
Premer-ministrdiń orynbasary Serik Jumanǵarin qaryz alýshynyń qiyn ómirlik jaǵdaiy men banktiń kommertsiialyq sheshimderin bir-birinen ajyratý qajet ekenin aitty.
"Alaiaqtardyń áreketinen zardap shekken azamattar, sondai-aq shyn máninde qiyn ómirlik jaǵdaiǵa tap bolǵan qaryz alýshylar bereshegi esepten shyǵarylǵan kezde jeke tabys salyǵyn tóleýden tolyq bosatylýǵa tiis. Bul máselede memlekettiń ustanymy aiqyn. Alaida bank óz balansyn ońtailandyrý jáne proviziialardy taratý maqsatynda kommertsiialyq nesieni esepten shyǵarsa, biýdjet salyq túsimderinen avtomatty túrde aiyrylmaýy kerek. Sondyqtan bul máselege teńgerimdi kózqaras qajet", - dedi Serik Jumanǵarin.
