Qazaqstanda AQSh dollarynyń resmi baǵamy aitarlyqtai tómendedi. 21 tamyzǵa belgilengen kýrs boiynsha bir dollar 458,23 teńge turady. Bir kún buryn amerikalyq valiýtanyń quny 462,22 teńge bolǵan edi, dep habarlaidy dalanews.kz.
Dollardyń arzandaýyna 20 tamyzda Qazaqstan qor birjasynda ótken saýda-sattyq nátijesi áser etken. Kúndizgi sessiia qorytyndysynda onyń ortasha baǵamy 3,82 teńgege tómendep, 458,23 teńgeni qurady. Osylaisha, amerikalyq valiýta 460 teńgelik mejeden qaita tústi.
21 tamyzdaǵy resmi baǵam boiynsha bir eýro – 535,99 teńge, al bir Resei rýbli – 5,46 teńge.
Aita keteiik, aqsha aiyrbastaý oryndary valiýtany satyp alý jáne satý baǵasyn óz betinshe belgileidi. Sondyqtan ondaǵy kórsetkish Ulttyq banktiń resmi baǵamynan ózgeshe bolýy múmkin. 20 tamyzdaǵy derek boiynsha Astanada dollardy orta eseppen 457 teńgeden satyp alyp, 464 teńgeden satqan. Almatyda satyp alý baǵasy 456 teńge, satý quny 458 teńge bolsa, Shymkentte bul kórsetkish tiisinshe 457 jáne 459 teńgeni qurady.
