Qazaqstanda 2027 oqý jylynan bastap bolashaq dárigerlerdi daiarlaý júiesin jańartý josparlanýda, dep habarlaidy dalanews.kz.
Jańa tásilge sáikes, bazalyq meditsinalyq bilim alý merzimi 5–6 jyldy quraidy. Odan keiin túlekter tálimgerdiń baqylaýymen tolyqqandy klinikalyq tájiribe formatynda internatýradan ótedi.
Internatýrany aiaqtaǵannan keiin túlekter tómendegi alty baǵyt boiynsha dáriger biliktiligin ala alady:
- terapiia;
- pediatriia;
- jalpy dárigerlik praktika;
- hirýrgiia;
- akýsheriia jáne ginekologiia;
- balalar hirýrgiiasy.
Josparlanyp otyrǵan negizgi ózgeris internatýra kezeńine qatysty. Buǵan deiingi formaldy oqý kezeńiniń ornyna internatýra naqty klinikalyq tájiribege ainalmaq. Iaǵni jas mamandar patsienttermen jumys isteý barysynda tájiribeli tálimgerlerdiń turaqty baqylaýynda bolady. Sonymen qatar olardyń jaýapkershilik deńgeii de naqty aiqyndalady. Osylaisha, jańa júie boiynsha bolashaq dárigerlerdi uzaq ári tájiribege baǵyttalǵan formatta oqytyp, tek sodan keiin ǵana óz betinshe jumys isteýge ruqsat berý kózdelip otyr.
