Áskeri salaǵa keńinen qoldanyla bastaǵan bespilotnikter jańa zamannyń soǵys ónerin tutasymen ózgertkenin sarapshy mamandar alǵa tartýda. Aitalyq, ázirbaijandyq áskeri sarapshy Agil Rýstamadze bul jaiynda bylai degen edi.
– Qazirgi tańda áskeri-tehnikalyq kúsh-qýaty damyǵan AQSh pen Batystyń birqatar elderi tank syndy aýyr qarýalardan bas tartyp, qarsylastarymen vertýaldi jaǵdaida soǵystatyn qarý-jaraqtardy kóptep shyǵaryp, adam shyǵynyn boldyrmaýǵa bas mán berýde. Damyǵan elderdiń áskeri qazir 100-150 shaqyrym qashyqtyqta turyp soǵys júrgizýge daǵdylanyp jatyr. Mundai ásker ebedeisiz tankterge minip, qoian-qoltyq urysqa barmaidy. Bul rette bespilotnigterdiń alatyn orynyn sózben aityp jetkizý múmkin emes. Búginde ushqyshsyz ushatyn ushaqtar jaý tylynda barlaý júrgizip, artilleriiamen dál soqqy beretin aýmaqty anyqtaýda taptyrmas quralǵa ainaldy. Tipti, keibir bespilotnikterdiń kómegimen tiimdi soqqy berip, jeńiske jetýge bolatynyn kórip júrmiz, – deidi áskeri sarapshy.
Bul rette sarapshy mamannyń áńgimesine alyp qosýdyń ózi artyq. Qazirgi tańda Qazaqstannyń Qarýly kúshterine áskeri bespilotnikterdi engizý qarqyndy júrip jatyr. Dúniejúzinde oryn alyp jatqan qarýly qaqtyǵystarǵa qarap otyryp, áskerimizde qandai bespilotnikter bar, bul baǵytta qandai jumystar qolǵa alynyp jatyr degen zańdy suraq týyndaidy. Dalanews.kz saitynyń oqyrmandarynyń kókeiinde tunǵan osy suraqtarǵa az-kem jaýap bere ketýdi jón sanadyq.
Búginde elimizdiń Qurlyq áskerinde birqatar bespilotniktermen jabdyqtalǵan. Solardyń biri «SkyLark» qurylǵysy. Atalǵan bespilotnik 10 sharshy shaqyrym aýmaqtaǵy jerge barlaý jasai alady. Shaǵyn ushaq turaqty bazasynan 40 shaqyrym jerge deiin usha alatyn múmkindikke ie.
Budan basqa Qarýly kúshterde barlaý-soqqy berýshi «WingLoong» keshine de bar ekenin aita ketýimiz kerek. «WingLoong» ushaǵy ózimen birge alyp ushatyn zymyrandarymen jer betindegi nysandaryn joiyp jiberetin joǵary dáldikke ie áskeri tehnika.
Qytaida óndirilgen bul qurylǵy 2,7 myń biikkeóterilip, 4000 shaqyrymǵa deiin usha alady. «WingLoong» kók aspan 20 saǵat boiy toqtaýsyz ushyp, 1000 kelige deiin «áýe-jer» kalsyndaǵy zymyrandy kóteretin múmkindikke ie.
Mamandar ushyqshysyz ushatyn áskeri ushaqtar áskeri joiǵysh ushaqtar sekildi aýqymdy infrqurylymdy qajetsinbeitinimen de tiimdi ekenin aitýda. Pandemiia kezinde elimiz boiynsha qabyldanǵan tótenshe jaǵdai kezinde osy áskeri bespilotnikterdiń kómegimen karantin erejelerin buzǵan 80-ge jýyq quqyq buzýshylyqtar anyqtalǵan edi. Osylaisha Qarýly kúshterdiń qatarynda turǵan bespilotnikter beibit ómir kezinde qoǵamǵa óz paidasyn tigizdi.
Qazaqstannyń Qorǵanys ministrligine qarasty Áýe kúshteri institýty Taraz qalasynda áskeri bespilotnikterge qyzmet kórsetetin mamandardy daiaarlai bastaýy kóńilimizge qýanysh uialatady.
Budan basqa Qazaqstan men Túrkiia áskeri saladaǵy yntymaqtastyǵyn keńeitip, Kazakhstan Engineering pen Turkish Aerospace kompaniialar ózara kelisimge qol qoiǵan bolatyn. Jańa kelsimge sai aldaǵy ýaqytta Qazaqstanda áskeri soqqy berýshi ANKA ushaqsyz ushatyn ushaǵy qurystyrylatyn bolady.
Osylaisha baýyrlas Túrkiia Qazaqstanǵa bespilotnik jasaýdyń tehnologiiasyn berip, oǵan qyzmet kórsetetin mamandar legin daiyndaýǵa kómek kórsetpekshi. Bul – Qazaqstan Qarýly kúshteriniń jańa kezeńge aiaq basqanyn aiǵaqtaidy. Aldaǵy ýaqytta áskeri maqsattaǵy bespilotnikterdi kóbeitip, ony óz jerimizde óndirsek áskeri áleýetimiz arta túsetini anyq.
