ShQO-da qos azamattyǵy bar 35 adam ákimshilik jaýapkershilikke tartyldy, dep habarlaidy dalanews.kz.
Jyl basynan beri óńirde 550-den asa adam Qazaqstan azamattyǵynan aiyrylǵany tirkelgen. Olardyń basym bóligi basqa elderdiń azamattyǵyn alǵan.
"Azamattyq týraly zań talaptaryn buzǵan 35 adam ákimshilik jaýapkershilikke tartyldy. Onyń 26-sy shetel azamattyǵyn alǵany týraly ýaqytynda habarlamaǵan, al 9 adam Qazaqstan pasporty nemese jeke kýáligin paidalana bergen", - dedi IIM ókilderi.
Osyndai jaǵdailardyń biri oblys ortalyǵynda anyqtalǵan. 64 jastaǵy áiel basqa eldiń azamattyǵyn alǵanyn habarlamai, qazaqstandyq qujattaryn paidalanǵan. Nátijesinde onyń qujattary tárkilenip, Qazaqstan azamattyǵynan aiyrylǵany tirkeldi.
Qazaqstan zańnamasyna sáikes basqa eldiń azamattyǵyn alǵan adam bul týraly belgilengen merzimde kóshi-qon qyzmetine habarlap, Qazaqstan pasporty men jeke kýáligin tapsyrýy qajet. Qazaqstanda qos azamattyqqa jol berilmeidi.
