Qazaqstanǵa Iran men Reseiden jetkizilgen aýyl sharýashylyǵy ónimderiniń partiialarynan qaýipti karantindik nysandar anyqtalyp, jalpy kólemi 113 tonnadan astam ónimniń naryqqa shyǵarylýyna jol berilmedi, dep habarlaidy dalanews.kz.
Mańǵystaý oblysyndaǵy «Temir-Baba» ótkizý pýnktinde Irannan jetkizilgen salattyń 9,9 tonnalyq partiiasynan batys gúl tripsi anyqtaldy. Aqtóbe oblysyndaǵy «Jaisan» baqylaý beketinde Reseidiń Orynbor oblysynan kelgen 0,7 tonna «Aisberg» salatynan da osy ziiankes tabylǵan.
Reseiden ákelingen jalpy kólemi 100 tonna bolatyn úsh partiia azyq-túlik arpasynyń quramynan aýyl sharýashylyǵy alqaptaryna qaýip tóndiretin karantindik aramshóp, jataǵan kekire anyqtaldy.
Al Aqtóbe oblysynda Reseiden jetkizilgen 3 tonna qyzanaqtan birden eki karantindik nysan tabyldy. Mamandar ońtústik amerikalyq qyzanaq kúiesin jáne qyzanaq jemisiniń qońyr ájimdilik virýsyn anyqtaǵan.
Karantindik nysandardyń bar ekeni «Fitosanitariia» RMK akkredittelgen zerthanalarynda júrgizilgen saraptamalar nátijesimen rastaldy.
Anyqtalǵan faktiler boiynsha hattamalar toltyrylyp, materialdar sotqa joldandy. Kináli tulǵalarǵa aiyppul salyndy.
Aýyl sharýashylyǵy ministrliginiń AÓK-tegi memlekettik inspektsiia komiteti karantinge jatqyzylǵan ónimderdi elge ákelý kezinde fitosanitariialyq baqylaýdy kúsheitýdi jalǵastyryp jatyr. Negizgi maqsat aýyl sharýashylyǵy daqyldaryna ziian keltirýi múmkin qaýipti karantindik nysandardyń Qazaqstan aýmaǵyna enýi men taralýyna jol bermeý.
