Qazaqstan munaiy tasymaldanatyn KQK terminaly dron shabýylynyń astynda qaldy, dep habarlaidy Dalanews.kz.
Energetika ministrligi 5 sáýirde Novorossiisk portynda bolǵan oqys oqiǵaǵa bailanysty málimdeme jasady.
"Qolda bar aqparatqa sáikes bul jaǵdai qazaqstandyq munai eksportynyń kólemine áser etken joq. Qazir shikizatty magistraldyq munai qubyrlary arqyly qabyldaý jáne tasymaldaý shtattyq rejimde júrgizilip jatyr. Eksport jospary kestege sai oryndalady", - dedi ministrdiń keńesshisi - Energetika ministrliginiń resmi ókili Ásel Serikpaeva.
Eske salaiyq, buǵan deiin Novorossiiskide ushqyshsyz apparattardyń aýqymdy shabýyly boldy. Jergilikti bilik málimetinshe, saldarynan segiz adam zardap shekken, olardyń ekeýi - bala. Barlyǵy aýrýhanaǵa jetkizilgen.
"Shesharis" Reseidiń ońtústigindegi munai tieý baǵytyndaǵy mańyzdy terminaldardyń biri sanalady. Bul port arqyly qazaqstandyq munaidyń da bir bóligi ótedi, alaida negizgi kólemi jaqyn mańdaǵy Kaspii qubyr konsortsiýmy terminaly arqyly eksporttalady.
