Qara teńizde qazaqstandyq munaidy tieýge baǵyt alǵan eki tankerge drondar shabýyl jasady, dep habarlaidy dalanews.kz.
Reuters agenttiginiń málimetinshe, shabýyl Kaspii qubyr konsortsiýmynyń (KQK) Novorossiisk mańyndaǵy terminalyna bet alǵan tankerlerge jasalǵan.
Qazaqstannyń Energetika ministrligi oqiǵany rastady. Vedomstvonyń habarlaýynsha, ministrlik «QazMunaiGaz», Kaspii qubyr konsortsiýmy jáne keme ielerimen birlesip qazaqstandyq munai eksportyn úzdiksiz qamtamasyz etý úshin qajetti sharalardy qabyldap jatyr.
Kaspii qubyr konsortsiýmy arqyly Qazaqstan munaiynyń negizgi bóligi álemdik naryqqa shyǵarylady. Sondyqtan atalǵan baǵyttaǵy kez kelgen kedergi eksport kólemine áser etýi múmkin.
Aita keteiik, sońǵy kúnderi Ýkraina Reseidiń munai infraqurylymy men teńizdegi tankerlerine dron shabýyldaryn kúsheitken. Reuters málimetinshe, 7–8 shildede Azov teńizindegi reseilik tankerler men munai nysandaryna da soqqy jasalǵan.
