Qazaqstannyń 2027 jylǵy respýblikalyq biýdjet shyǵystary 30,2 trln teńge kóleminde josparlanyp otyr, dep habarlaidy dalanews.kz.
Bul týraly Úkimet otyrysynda Qarjy ministri Mádi Tákiev málimdedi.
2027 jylǵa biýdjet túsimderi 25,6 trln teńge nemese jalpy ishki ónimniń 12,9%-y deńgeiinde boljanǵan. Biýdjet tapshylyǵy JIÓ-niń 2,3%-yn quraidy dep kútilýde.
Jalpy shyǵystar biylǵy jylǵa josparlanǵan kórsetkishten 2,5 trln teńgege artady.
Biýdjet jobasynda Ulttyq qordan 2,4 trln teńge kepildendirilgen transfert qarastyrylǵan. Budan bólek, asa mańyzdy nysandar men jalpyulttyq mańyzy bar jobalardy qarjylandyrýǵa Ulttyq qordan taǵy 2 trln teńge nysanaly transfert baǵyttaý josparlanyp otyr.
Mádi Tákievtiń aitýynsha, biýdjetti qalyptastyrý kezinde negizgi maqsat shyǵystardy jai ǵana arttyrý emes, árbir biýdjet teńgesiniń tiimdiligin kóterý bolǵan.
Qarjy ministri qarajat eń aldymen memlekettiń mindettemelerin oryndaýǵa, ekonomikany, óńirlerdi jáne adami kapitaldy damytýǵa baǵyttalatynyn atap ótti.
