«Qazaqmys» korporatsiiasy jerasty tehnikasy parkin jańartý jumystaryn jalǵastyryp jatyr, dep habarlaidy dalanews.kz.
Q.I.Satbaev atyndagy Jezqazgan Tau-ken ondirisi «Batys» kenishindegi №67 shahtanyń tórtinshi ýchaskesine jańa Sandvik DS511 burǵylaý qondyrǵysy jetkizildi.
Jańa tehnika ankerlik bekitpelerdi ornatý jáne bekitkish tordy montajdaý kezinde tespelerdi mehanikalandyrylǵan ádispen burǵylaýǵa arnalǵan.
Sandvik DS511 ýchaskede buryn qoldanylǵan burǵylaý qondyrǵysynyń ornyna keldi. Mashina «Qazaqmys» talaptaryna sáikes qosymsha tehnikalyq sheshimdermen jabdyqtalǵan.
Jańa tehnikanyń negizgi erekshelikteriniń biri bekitkish tordy ustap turatyn qosymsha qurylǵynyń ornatylýy boldy. Bul taý-ken qazbalaryn bekitý kezinde jumystyń bir bóligin mehanikalandyryp, jumysshylardyń fizikalyq júktemesin azaitýǵa múmkindik beredi.
Qaýipsizdikke qatysty taǵy bir sheshim retinde mashina «Eclipse» ortalyqtandyrylǵan órt sóndirý júiesimen jabdyqtalǵan. Sonymen qatar qosymsha kameralar jumys aimaǵyn 360 gradýsqa deiin baqylaýǵa múmkindik beredi.
Sandvik DS511 kólemi 4,5 litrlik Cummins dizeldi qozǵaltqyshymen jabdyqtalǵan. Tehnika jerasty taý-ken jumystary jaǵdaiynda paidalanýǵa arnalǵan. Onyń boljamdy qyzmet etý merzimi alty jyldan asady.
Mashina bir jumys tsikli barysynda burǵylaý jáne taý-ken qazbalaryn bekitý boiynsha negizgi operatsiialardy oryndaýǵa múmkindik beredi.
Kabina eki adamnan turatyn ekipajǵa eseptelgen. Onyń quramynda burǵylaýshy men kómekshisi jumys isteidi. Kabina qorǵanys ekrandarymen, konditsionermen jáne jylytý júiesimen jabdyqtalǵan.
Jerasty tehnikasyn jańartý «Qazaqmys» korporatsiiasynyń basym baǵyttarynyń biri bolyp otyr. Kompaniia qoldanystaǵy tehnikanyń jaramdylyǵyn saqtaýmen qatar, qaýipsizdik pen ónimdilikke qoiylatyn qazirgi talaptardy eskere otyryp, tehnika parkin kezeń-kezeńimen jańartyp keledi.
Tamyz-qyrkúiek ailarynda kenishterge 14 birlik aýyr jerasty tehnikasyn jetkizý josparlanǵan. Onyń ishinde burǵylaý qondyrǵylary, tieý-jetkizý mashinalary jáne shahtalyq tieý-jetkizý tehnikasy bar.
Sandvik DS511 qondyrǵysynyń «Batys» kenishine jetkizilýi osy jańartý baǵdarlamasynyń bir bóligi sanalady.
Jerasty tehnikasy parkin jańartý eńbekti mehanikalandyrýǵa, jumysshylarǵa túsetin fizikalyq júktemeni azaitýǵa jáne óndiristik operatsiialardy qaýipsiz ári tiimdi oryndaýǵa baǵyttalǵan.
