Qaraǵandy oblysyndaǵy «Abyz» altyn-polimetall ken ornynda tereń qabattardy egjei-tegjeili zertteýge jáne mineraldyq-shikizat qoryn odan ári tolyqtyrý múmkindigin baǵalaýǵa baǵyttalǵan geologiialyq barlaý jumysy júrgizilýde. Ken orny «Qazaqmys korporatsiiasy» JShS «Qaragayly Tau-ken ondirisi» filialynyń quramyna kiredi jáne 2005 jyldan beri igerilip keledi, dep habarlaidy dalanews.kz.
Baǵdarlama aiasynda jalpy uzyndyǵy 5 100 metr bolatyn alty izdeý-barlaý uńǵymasyn burǵylaý kózdelgen. Jumys buryn anyqtalǵan geofizikalyq jáne geohimiialyq anomaliialardy tekserý jáne ken ornynyń tereń qabattarynyń bolashaǵyn zertteý maqsatynda júrgizilýde. Búgingi tańda 1 400 qýma metrden astam aýmaq zertteldi.
Burǵylaý barysynda alynǵan kernge keshendi geologiialyq zertteý júrgiziledi. Zertteý nátijesi mamandarǵa ken ornynyń tereń qabatyndaǵy úshólshemdi geologiialyq modelin naqtylaýǵa, bolashaǵy bar ýchaskelerdi anyqtaýǵa jáne kenishtiń mineraldyq-shikizat qoryn odan ári ulǵaitý múmkindikterin baǵalaýǵa jol ashady.
Mineraldyq-shikizat qoryn damytý – «Qazaqmys» Tobynyń strategiialyq baǵyttarynyń biri. 2026 jyly kompaniia geologiialyq barlaý jumysyn qarjylandyrý kólemin arttyrdy jáne ózine qatysy bar óńirlerdegi bolashaǵy bar ýchaskelerde burǵylaý jumysyn ulǵaityp keledi. Geologiialyq barlaý jumysy qoldanystaǵy ken oryndaryn jan-jaqty zertteýge jáne jańa ken denelerin izdeýge, sondai-aq tereń qabattardyń áleýetin baǵalaýǵa baǵyttalǵan.
«Abyz» ken ornynda júrgizilgen jumystyń nátijesi onyń resýrstyq áleýetin baǵalaýǵa jáne kenishti damytýdyń perspektivaly baǵyttary boiynsha sheshim qabyldaýǵa negiz bolady.
