Qazaqstan halyq partiiasynyń tóraǵasy Nursultan Shoqanov áleýmettik jelide qyzý talqylanǵan uly Ibragim Shoqanovtyń málimdemesine qatysty pikir bildirdi, dep habarlaidy dalanews.kz.
Onyń sózinshe, uly óz qatesin túsinip, moiyndaǵan.
"Onyń jaýabyn estigende ózimiz de tańǵaldyq. Aitqany durys emes. Óz qatesin moiyndady. Ulym oqityn mektepte Qazaqstan tarihy páni bar. Ol bloger bolǵandyqtan, laik pen qaralym jinaýdy kózdegen shyǵar", - dedi Nursultan Shoqanov.
Eske salaiyq, buǵan deiin áleýmettik jelide 16 jastaǵy TikTok bloger Ibragim Shoqanovtyń videosy qyzý talqyǵa tústi. Shoý barysynda kórermenderdiń biri odan "Qazaq handyǵy qashan quryldy?" dep suraǵanda, bloger "Bizde Qazaqstan tarihy páni joq, biz aǵylshyn mektebinde oqimyz" dep jaýap bergen. Bul jaýap jeli qoldanýshylarynyń ashýyna tigen.
