Qazaq sportynyń qara nary edi...
Orny tolmas aýyr qaza qazaq sporty men bizdiń otbasymyzdy oisyratyp ketti. 28 maýsym kúni áýletimizdiń tiregi, adal jar, súiikti áke bolǵan báiteregimiz, qazaq sportynyń metsenattarynyń biri, áigili palýan, eljandy nartulǵa Samat Ádilhanuly Ramazanov kenetten qaitys boldy.
Sambodan Qazaqstannyń birneshe dúrkin chempiony, Aziia chempiony, KSRO quramasynyń múshesi, Álem chempionatynyń qola júldegeri, sýmodan Aziia chempionattarynyń birneshe dúrkin jeńimpazy, qazaqsha kúresten absoliýtti chempion, Abaidyń 150 jyldyq toiynda túie palýan atanyp, egemen eline minsiz qyzmet etken sport qairatkeriniń dańqty ómir joly ǵibrat pen qaisarlyqqa toly.
Ol tek jaqyn adamdaryna ǵana emes, kóptegen alash azamattaryna kómek qolyn sozyp, qamqor bolǵan jaisań aǵa, tálimger ustaz boldy. Artynda urpaǵy men onyń júreginiń jylýyn sezingen izgi jandar barda Samat Ádilhanuly Ramazanovtyń esimi men izgi amaldary umytylmaidy.
Baqul bol baýyrym, sabaz azamatym, janyń janatta, rýhyń peiishte shalqysyn. Jarqyn beineńiz júrekten máńgi óshpeidi.
Bir top týystary, tilektes dostary
