24-25 tamyzda Jetisý oblysy Panfilov aýdanynda nóser jaýyn jaýyp, taýdan aqqan sý saldarynan Saryózek - Kóktal tasjolynyń birneshe ýchaskesi lai men tas astynda qaldy, dep habarlaidy dalanews.kz.
Joldyń kei bólikteri shaiylyp, qorshaýlar zaqymdanǵan. Shaǵyn kópirler men sý ótkizetin nysandardyń mańyna da lai men tas jinalǵan.
Qazir taýdan aqqan sý toqtap, joldaǵy jaǵdai turaqtalǵan. Kólik qozǵalysy jalǵasyp jatyr.
Jol qyzmetteri tazalaý jáne qalpyna keltirý jumystaryn júrgizip jatyr. Oǵan 11 maman men 7 arnaiy tehnika jumyldyrylǵan.
Mamandar shaiylǵan ýchaskelerdi nyǵaityp, sý burý júiesi men zaqymdanǵan qorshaýlardy qalpyna keltirip jatyr.
