Qaraǵandyda áleýmettik jelilerge intim sipattaǵy materialdar jariialaǵan er adam 10 táýlikke ákimshilik qamaýǵa alyndy, dep habarlaidy dalanews.kz.
Qaraǵandy qalasynyń mamandandyrylǵan aýdanaralyq ákimshilik sotynyń málimetinshe, J. esimdi azamat TikTok pen Telegram-da ashyq túrde intim sipattaǵy foto jáne videolar ornalastyrǵan. Sonymen qatar basqa internet qoldanýshylarymen osy mazmunda hat almasqan.
Sot ony QR ÁQBtK-niń 434-baby 1-bóligi boiynsha kináli dep tanydy. Er adam sotta kinásin moiyndaǵan. Onyń kinási áleýmettik jelilerdegi jariialanymdardyń skrinshottarymen de dáleldengen.
Atalǵan bap boiynsha aiyppul, qoǵamdyq jumystar nemese ákimshilik qamaý qarastyrylǵan. Sot bul jaǵdaida 10 táýlikke qamaý jazasyn taǵaiyndady.
Sot qaýlysy zańdy kúshine endi.
