Qaraǵandy oblysynyń Qarqaraly aýdanynda bolǵan dala órtinen eki er adam zardap shekti. 1989 jáne 1970 jyly týǵan turǵyndar meditsinalyq kómekke júgingen, dep habarlaidy dalanews.kz.
Ákimdik málimetinshe, zardap shekkenderdiń biriniń denesiniń 10 paiyzyn, ekinshisiniń 20 paiyzyn kúiik shalǵan. Qazir ekeýi de aýrýhanada em qabyldap jatyr.
"Dárigerler patsientterdiń jaǵdaiyn turaqty dep baǵalap otyr", - delingen ákimdik habarlamasynda.
Qarqaraly aýdanynyń ákimi Saiat Mýsin Jańatoǵan aýylynyń mańyndaǵy órtti sóndirýge 159 adam men 52 tehnika tartylǵanyn málimdedi. Al Besoba aýyly mańyndaǵy qystaýlardyń janynan shyqqan úsh órt oshaǵy tolyq joiylǵan.
Aqtoǵai jáne Shet aýdandaryndaǵy tabiǵi órtter de sóndirildi. Qazirgi ýaqytta atalǵan aýdandardaǵy jaǵdai turaqty jáne tiisti qyzmetterdiń baqylaýynda.
