Resei prezidenti Vladimir Pýtin Qazaqstan prezidenti Qasym-Jomart Toqaevqa Quryltai sailaýynyń ótýine bailanysty quttyqtaý jedelhatyn joldady, dep habarlaidy dalanews.kz.
Kremldiń resmi saitynda jariialanǵan jedelhatta Pýtin Qazaqstan tarihyndaǵy alǵashqy bir palataly parlament – Quryltai sailaýyndaǵy bilik partiiasynyń jeńisin atap ótken.
«Qurmetti Qasym-Jomart Kemeluly! Qazaqstan tarihyndaǵy alǵashqy bir palataly parlament – Quryltai sailaýynda bileýshi «Ádilet» partiiasynyń jeńiske jetýimen quttyqtaýymdy qabyl alyńyz», – delingen quttyqtaýda.
Resei basshysy sailaýdaǵy joǵary belsendilik pen daýys berý nátijeleri qazaqstandyqtardyń eldegi turaqtylyqty nyǵaitýǵa, áleýmettik-ekonomikalyq damýǵa jáne memlekettiń halyqaralyq arenadaǵy múddelerin qorǵaýǵa baǵyttalǵan saiasatty qoldaitynyn kórsetetinin aitty.
Sonymen qatar Vladimir Pýtin Quryltai depýtattary Resei parlamentiniń ókilderimen tyǵyz yntymaqtastyq ornatyp, eki el arasyndaǵy strategiialyq seriktestik pen odaqtastyq qatynastardy odan ári damytýǵa úles qosatynyna senim bildirdi.
