Qasym-Jomart Toqaevqa jańa shaǵyn aýdanda 41 turǵyn úi salynyp jatqany jóninde baiandaldy. 1510 páterdiń jalpy aýdany – 122,6 myń sharshy metr. Qurylysqa 28,3 milliard teńge bólingen.
Taldyqorǵan qalasynyń ákimi Ernat Bázildiń aitýynsha, shaǵyn aýdanda byltyr aýmaǵy 44,1 myń sharshy metr bolatyn 509 páterli 14 úidiń qurylysy aiaqtalǵan.
Al biyl jyl sońyna deiin 783 páterli taǵy 21 úidi aiaqtaý josparlanyp otyr. Qala basshylyǵy qalǵan 218 páterli 6 úidiń qurylysyn kelesi jyly aiaqtaitynyn jetkizdi.
Jyl sońyna deiin Taldyqorǵan qalasy boiynsha jalpy kólemi 155,2 myń sharshy metrdi quraityn 2 065 páter paidalanýǵa beriledi. Sondai-aq, 2024 jyly 2 375 páter salý josparlanǵan. Budan bólek, Qaratal ózeniniń oń jaǵalaýyn damytý qarastyrylǵan.
Jańa shaǵyn aýdandarda aldaǵy ýaqytta 28 myńnan astam adam turady dep boljam jasalyp otyr. Bul – qala halqynyń 14 paiyzy. Osy máselelerdi eskere kele, azamattardyń jaily turmysyn qamtamasyz etý úshin qýaty saǵatyna 50 Gkal bolatyn gaz qazandyǵyn, sondai-aq osy shaǵyn aýdanǵa 1200 oryndyq mektep salý qajettigi týraly aityldy.
Kezdesý sońynda Prezident Úkimetke atalǵan máselelerdi zerdelep, tiimdi sheshim qabyldaýdy tapsyrdy.
