Pavlodar oblysy Aqsý qalasynda Toqaevtyń portreti 43 448 teńgege satyp alynǵan. Osylaisha memlekettik satyp alý barysynda 3104 teńge únemdelgen. Sebebi portrettiń áýel bastaǵy quny 45 000 teńge bolǵan, - dep habarlaidy Dalanews.kz.
Prezidenttiń portretin satyp alý týraly málimet Memlekettik satyp alý portalynda jariialanǵan bolatyn. Eki portretti "Aqsý qalasy máslihatynyń apparaty" memlekettik mekemesi satyp alǵan.
Bastapqyda Toqaevtyń eki portretiniń jalpy quny 90 myń teńge dep belgilengen.
Osylaisha "Promstroi" atty JShS jeńiske jetip, bir portret 43 448 teńgege baǵalanǵan.
Nátijesinde qalalyq máslihat Toqaevtyń portretin satyp alýǵa bólingen memleket qarjysynan 3104 teńge únemdegen.
"Kúni keshe ǵana Aqtaýda meniń sýretim beinelengen 10-nan astam bilbord ornatylǵanyn estidim. Meniń oiymsha, bul múldem orynsyz nárse. Maǵan mundai úgit-nasihat qajet emes" – degen edi Toqaev 2019 jyly Aqtaý jurtshylyǵymen kezdesýinde.
"Jaǵympazdarǵa qatysty aitar bolsaq, men oǵan qarsymyn. Men múldem basqa ortada tárbielendim. Maqtaý, madaqtaý degen atymen bolǵan joq. Ondaidy qolpashtaý týraly áńgime aitýdyń ózi artyq shyǵar. Olai eshqashan da bolǵan emes. Degenmen bizdiń ziialy qaýymdy ózgertý qiyn. Olar - basqa jaǵdaida tárbie alǵan jandar", - dedi Qasym-Jomart Toqaev.
