Úkimet rezervinen Soltústik Qazaqstan oblysynyń Petropavl qalasyndaǵy jylý magistraliniń qurylysyn aiaqtaýǵa shamamen 650 mln teńge bólindi, dep habarlaidy dalanews.kz.
Tiisti qaýlyǵa Premer-ministr Oljas Bektenov qol qoidy.
Úkimettiń málimetinshe, bólingen qarjy Jambyl Jabaev, Aleksandr Shájimbaev, Novaia jáne Ybyrai Altynsarin kósheleri boiyndaǵy jylý jelileriniń qurylysyn aiaqtaýǵa baǵyttalady.
Joba aiasynda biyl 1,4 shaqyrym eski jylý jelisi demontajdalyp, jańasy tartylady. Byltyr 0,7 shaqyrym jeli jańartylǵan bolatyn. Nátijesinde uzyndyǵy 2 shaqyrymnan asatyn №2 jylý magistralin tolyq jańartý jumystary aiaqtalady.
Úkimettiń málimetinshe, bul jumystar tozý deńgeii 80 paiyzdan asqan magistraldy aýystyrýǵa múmkindik beredi. Joba júzege asqannan keiin 30 myńnan astam turǵyn, sondai-aq 200-den astam kópqabatty turǵyn úi men áleýmettik nysannyń jylýmen turaqty qamtamasyz etilýi jaqsarady.
Sonymen qatar Úkimet aldaǵy jylytý maýsymyna daiyndyq turaqty baqylaýda ekenin atap ótti. Energetika ministrliginiń málimetinshe, 2025 jyldan beri elimizde 10 energiia blogy, 63 qazandyq jáne 39 týrbina kúrdeli jóndeýden ótken. Budan bólek, 17 myń shaqyrym elektr jelisi jańartylyp, 420 qosalqy stantsiia jańǵyrtyldy jáne 323 shaqyrym jylý jelisi aýystyryldy. Nátijesinde elektr stantsiialary jabdyqtarynyń tozýy 53 paiyzǵa, al jylý jelileriniń tozýy 50 paiyzǵa deiin tómendegen.
