"Aq jol" partiiasynyń jetekshisi Azat Perýashev tótenshe jaǵdai kezinde jeke basynyń jarnamasyn jasap, jeliden túspeitin áriptesterine ún qatty, dep habarlaidy Dalanews.kz.
Perýashevtiń pikirinshe, sý tasqyny kezinde qoǵam qandai da bir bólimderge iaki partiialarǵa bólinbei, kerisinshe bir judyryqqa jumylýy qajet.
Sonymen qatar partiia músheleri gýmanitarlyq kómekti jóneltpes buryn aldymen aimaqtardyń qajettilikterin naqtylap alýǵa keńes berdi.
Máselen, Túrkistan oblysynyń Maqtaaral aýdanynda sý tasqyny jáne Qostanai oblysynda órt bolǵan jaǵdaida turǵyndar gigienalyq quraldarǵa, dári-dármek pen rezeńke etikke muqtaj bolǵan.
"Bul pikirdi Atyraý, Batys Qazaqstan, Aqtóbe, Soltústik Qazaqstan filialdary rastady. Sondai-aq olar dál qazir rezeńke qaiyqtar, etikter, generatorlar qajet bolsa, aldaǵy aptada qurylys materialdary, mal sharýashylyǵy men dándi-daqyldardyń tuqym qoryn qalpyna keltirý, dezinfektsiialyq quraldar qajet bolatynyn atap ótti", - dedi Perýashev.
Eske salaiyq, sońǵy kúnderi Qazaqstanda sý tasqyny saldarynan úiler men áleýmettik nysandar sý astynda qalyp, jergilikti turǵyndar aitarlyqtai qolaisyzdyqqa tap boldy. Halyq apatty aimaqtardan áli de evakýatsiialanyp jatyr.
Osy tusta májilis spikeri Erlan Qoshanov sý tasqyny kezinde keibir depýtattar óńirlerdi aralap, halyqpen birge bolǵanyn atap ótken edi.
Májilis otyrysynda depýtat, Amanat partiiasy fraktsiiasynyń múshesi Rinat Zaiytov Erlan Qoshanovqa kún tártibi boiynsha qoiatyn bir suraǵy bar ekenin jetkizdi.
"Elde bolyp jatqan úlken apat boiynsha talqylaý bola ma?", - dep surady ol.
Óz kezeginde Erlan Qoshanov sý tasqyny kezinde birqatar depýtat óńirlerdi aralap, halyqtyń janynda bolǵanyn alǵa tartty. Aitýynsha, bul jumys áli de jalǵasyn tabady.
"Naqty kómek kórsetilip jatyr. Meniń oiymsha, osy jerde otyryp áńgime aitý emes, osyndai jumys kerek. Sondyqtan jalpy otyrys aiaqtalǵan soń taǵy bir top depýtat sý tasqyny bolyp jatqan óńirlerge shyǵady. Halyqpen birge bolady", - dedi Erlan Qoshanov.
Sonymen qatar ol tótenshe jaǵdaiǵa bailanysty kóteretin máseleleri bolsa, depýtattyq saýal arqyly joldaýǵa bolatynyn aitty.
