Pavlodarda jaiaý júrginshiler jolynyń astyndaǵy topyraq kenetten opyrylyp, tórt jasar balasymen kele jatqan er adam ystyq sýǵa qulaǵan, dep habarlaidy dalanews.kz.
Oqiǵanyń mán-jaiyn zardap shegýshiniń ápkesi áleýmettik jelide baiandady. Onyń sózinshe, aǵasy balasymen birge kúndelikti jurt júretin jolmen kele jatqan. Sol sátte aiaq astyndaǵy jer oiylyp, ekeýi qainap turǵan sýǵa túsip ketken.
«Bul ashyq qalǵan káriz qudyǵy da, qurylys alańy nemese qorshaýmen belgilengen qaýipti aýmaq ta emes. Adamdar kún saiyn júretin qarapaiym jol. Aǵamnyń tizesinen joǵary bóligi kúiip qaldy», – dep jazdy ol.
Zardap shegýshiniń týysy oqiǵaǵa bailanysty jan-jaqty tekserý júrgizip, qaýipsizdik talaptarynyń saqtalmaýyna jaýapty adamdardy anyqtaýdy talap etti.
1991 jyly týǵan er adam denesiniń ekinshi jáne úshinshi dárejeli kúiigimen aýrýhanaǵa jetkizildi. Dárigerler onyń jaǵdaiyn ortasha aýyr dep baǵalap otyr. Tórt jasar balanyń jaǵdaiy týraly ázirge málimet berilgen joq.
