Qazaqstanda úi ielerine páter jaldaýshylardy óz betimen shyǵarýǵa shekteý qoiyldy. Endi mundai daýlar tek sot arqyly sheshiledi, dep habarlaidy Dalanews.kz.
Jańa konstitýtsiialyq normalarǵa sáikes, jalǵa berýshiler budan bylai páter jaldaýshylardy ózdiginen shyǵara almaidy. Tipti tólem jasalmaǵan nemese kelisimshart talaptary buzylǵan jaǵdaida da, másele tek sot tártibimen qaralady.
Bul týraly QR ádilet vitse-ministri Daniel Vaisov málimdedi. Onyń túsindirýinshe, jalǵa berýshi men jaldaýshy arasyndaǵy qatynas – azamattyq-quqyqtyq kelisimshart aiasynda retteledi. Sondyqtan taraptar arasyndaǵy kez kelgen daý, sonyń ishinde tólemeý nemese kelisim talaptaryn buzý máseleleri de zań aiasynda qaralýy tiis.
“Bul – jalǵa alýshy men jalǵa berýshi arasyndaǵy azamattyq-quqyqtyq shartpen bekitilgen qatynastar. Barlyq másele sol kelisimshart sheńberinde sheshiledi”, – dedi ol.
