Tokio Paralimpiadasynda júlde alǵan qazaqstandyq sportshy Ánýar Sárievke bes jyl buryn saltanatty túrde páter kilti tabystalǵan. Alaida arada bes jyl ótse de, baspana sportshynyń atyna áli rásimdelmegen. Sonyń saldarynan paralimpiada júldegeri osy kúnge deiin atalǵan páter úshin jaldaý aqysyn tólep keledi. Bul týraly GOSrating jazdy, dep habarlaidy dalanews.kz.
Tokio Paralimpiadasynan keiin Atyraý oblysynyń sol kezdegi ákimi Mahambet Dosmuhambetov júldeger sportshylarǵa páter kiltin saltanatty túrde tabystaǵan. Marapattalǵandardyń qatarynda Paralimpiadanyń kúmis júldegeri Ánýar Sáriev te bolǵan.
Alaida jariialanǵan málimette sportshyǵa berilgen baspana onyń jeke menshigine rásimdelmegeni aitylady. Sonyń kesirinen Sáriev bes jyldan beri kezinde "syiǵa berildi" dep tabystalǵan páterde jalǵa alýshy retinde turyp, aqy tóleýge májbúr.
Ázirge jaýapty memlekettik organdar bul jaǵdaiǵa qatysty resmi túsinikteme jariialaǵan joq.
