Aq úidiń baspasóz hatshysy Kerolain Levitt tamyz aiynyń sońynda qyzmetinen ketedi. Bul týraly AQSh prezidenti Donald Tramp málimdedi, dep habarlaidy dalanews.kz.
Tramptyń sózinshe, Levitt otbasyna jáne kishkentai balalaryna kóbirek ýaqyt bólý úshin osyndai sheshim qabyldaǵan.
"Men onyń sheshimin tolyq túsinemin jáne qurmetteimin. Endi Kerolain negizgi syrtqy keńesshilerimniń biri ári Respýblikalyq partiiadaǵy yqpaldy tulǵalardyń biri bolady", - dep jazdy Tramp áleýmettik jelide.
Kerolain Levitt Aq úidiń baspasóz hatshysy qyzmetine 2025 jyldyń qańtarynda kirisken. Ol kezde 27 jasta edi. Osylaisha Levitt AQSh ákimshiligi tarihyndaǵy eń jas baspasóz hatshysy atandy. Onyń ornyna kim keletini ázirge belgisiz.
Levitt Aq úidegi qyzmetin ómirindegi erekshe kezeń dep baǵalady. Ol X áleýmettik jelisinde bul jumystyń ózi úshin úlken mártebe ári umytylmas tájiribe bolǵanyn jazdy.
"Ana bolý, jańa týǵan sábidi tárbieleý jáne álemdegi eń jaýapty qyzmetterdiń birinde jumys isteý – ómirimdegi eń qarbalas ári kúrdeli, biraq eń baqytty kezeń boldy", - dedi Kerolain Levitt.
