Astanada jyl basynan beri otbasyndaǵy janjaldar men zorlyq-zombylyqqa bailanysty 6,5 myńnan astam qorǵaý nusqamasy shyǵaryldy. Bul týraly qalalyq Politsiia departamenti málimdedi, dep habarlaidy dalanews.kz.
Qorǵaý nusqamasy zorlyq-zombylyq jasaǵan nemese jasaý qaýpi bar adamǵa beriledi. Ol azamatqa jábirlenýshini izdeýge, ańdýǵa, úiine barýǵa, telefon soǵýǵa jáne basqa jolmen bailanysýǵa tyiym salýy múmkin.
Jyl basynan beri mundai talaptardy buzǵan 300-ge jýyq adam jaýapqa tartyldy. Budan bólek, sot 600-den astam adamnyń minez-qulqyna arnaiy shekteý belgiledi.
"Politsiia qyzmetkerleri esepte turǵan azamattardyń úilerine turaqty túrde baryp, olardyń tártibin baqylap otyrady. Mamandar otbasylardyń turmys jaǵdaiyn zerttep, qaýip deńgeiin baǵalaidy jáne belgilengen talaptardyń oryndalýyn tekseredi", - delingen Politsiia departamentiniń habarlamasynda.
Elorda politsiiasy otbasyndaǵy zorlyq-zombylyqtyń kez kelgen túrine jol berilmeitinin eskertti. Jábirlenýshilerdiń qaýipsizdigin qamtamasyz etý jáne mundai jaǵdailardyń qaitalanýyna jol bermeý jumystary jalǵasady.
