Osh oblysynda aýyr dene jaraqattarymen aýrýhanaǵa túsken 1989 jyly týǵan N.G. esimdi áiel qaitys boldy. Bul aqparatty oblystyq politsiia rastady, dep habarlaidy dalanews.kz.
Málimet boiynsha, áiel 29 tamyz kúni saǵat 19:00-de kóz jumǵan.
Buǵan deiin, 17 tamyzda 1989 jyly týǵan N.G. dene jaraqattaryn alyp, Qara-Kýlja aýdandyq aýrýhanasyna júgingeni habarlanǵan. Zardap shegýshiniń alǵan jaraqattarynyń aýyrlyq dárejesin anyqtaý úshin sot-meditsinalyq saraptama taǵaiyndalyp, jinalǵan materialdar aýmaqtyq tiistiligi boiynsha Ózgón aýdandyq ishki ister bólimine jiberilgen.
Oqiǵaǵa qatysy bolýy múmkin birneshe azamat Ózgón aýdandyq ishki ister bóliminde suralǵan. Kýágerler men taraptardyń jaýaptarynda qarama-qaishylyqtar bolǵandyqtan, atalǵan derek boiynsha Qylmystyq kodekstiń 136-baby – "Densaýlyqqa jeńil ziian keltirý" boiynsha qylmystyq is qozǵaldy.
Qazirgi ýaqytta marqum áieldiń naqty neden qaitys bolǵanyn anyqtaý úshin qaitadan sot-meditsinalyq saraptama taǵaiyndaldy.
Tergeý amaldary jalǵasyp jatyr.
