Óskemendegi bazarlardyń birinde satýshyny aldap, uialy telefondy alyp qashqan er adam ustaldy. Bul týraly Shyǵys Qazaqstan oblysynyń Politsiia departamenti málimdedi, dep habarlaidy dalanews.kz.
Politsiia dereginshe, kúdikti saýda dúńgirshegine satyp alýshy bolyp kirip, satýshydan telefondy jaqynyraq kórý úshin qolyna berýdi suraǵan. Qurylǵyny alǵan sátte dúńgirshekten qashyp ketken. Jábirlenýshige keltirilgen shyǵyn 30 myń teńgege baǵalandy.
Patrýldik politsiia qyzmetkerleri Jedel basqarý ortalyǵynyń inspektorlarymen birge kúdiktiniń kim ekenin jáne júrgen jerin jedel anyqtady. Ol Óskemen qalasynyń 27 jastaǵy turǵyny bolyp shyqty.
Tártip saqshylary urlanǵan telefondy tárkilep, zańdy iesine qaitardy. Kúdikti kinásin moiyndap, ýaqytsha ustaý izoliatoryna qamaldy.
Qazir atalǵan derek boiynsha sotqa deiingi tergeý júrip jatyr.
