Sársenbide Ystambulda nóser jaýyn jaýyp, sonyń saldarynan jasóspirim qaza tapqan, dep habarlaidy dalanews.kz.
Balat aýdanynda shalshyq sýdan ótpek bolǵan 14 jastaǵy jasóspirimdi tok soǵyp, ol kóz jumǵan. Ystambul gýbernatorynyń ákimshiligi qala aýmaǵynda 1 277 sý basý oqiǵasy, 15 kóshkin deregi tirkelgenin habarlady. Sý basý saldarynan 47 adam qamalyp qalǵan. Sonymen qatar, 13 jerde aǵash qulap, eki ǵimarattyń shatyry ushqan.
Tiisti qyzmetterge 76 kólikke, 808 turǵyn úige jáne 280 kásipkerlik nysanǵa qatysty habarlamalar túsken.
Túrkiianyń Tótenshe jaǵdailar jáne tabiǵi apattar basqarmasy janynan daǵdarys shtaby qurylǵan. Oqiǵanyń zardabyn joiýǵa 8 myń qyzmetker men 2 myń tehnika jumyldyrylǵan. Bilik ókilderiniń málimetinshe, joldar ashyq, al áýejailarda reister toqtatylmaǵan.
Ystambul biligi 15 qazanda qaladaǵy barlyq memlekettik jáne jekemenshik mektepte sabaq toqtatylatynyn jariialaǵan.
Memlekettik mekemelerde jumys isteitin múgedektigi bar qyzmetkerler, júkti áielder, ardagerler jáne segiz jasqa tolmaǵan balalary bar áielder de ákimshilik tártippen jumystan bosatylǵan.
