AQSh-tyń Niý-Iork qalasynda bolǵan pyshaq shabýyly saldarynan Bank of America bankiniń vitse-prezidenti Erin Piachenti kóz jumdy, dep habarlaidy dalanews.kz.
Oqiǵa Taims-skver mańynda bolǵan. Qolynda eki pyshaǵy bar áiel kóshede kele jatqan adamdarǵa shabýyl jasaǵan. Sonyń saldarynan Erin Piachenti aýyr jaralanyp, aýrýhanada qaitys boldy. Taǵy bir adam jaraqat alyp, meditsinalyq kómekke júgingen.
Politsiia shabýyl jasaǵan áieldi toqtatýǵa tyrysqan. Alaida ol tártip saqshylarynyń talabyna baǵynbaǵandyqtan, oq atylyp, kúdikti oqiǵa ornynda kóz jumǵan.
Aldyn ala málimet boiynsha, shabýyl bank qyzmetkerine arnaiy baǵyttalmaǵan. Quqyq qorǵaý organdary kúdiktiniń jolyqqan adamdarǵa kezdeisoq shabýyl jasaǵanyn aitady.
Erin Piachenti Bank of America bankinde jańa mámilelerdi tekserý jáne múddeler qaqtyǵysyna bailanysty máselelerdi baqylaýmen ainalysqan. Áriptesteri ony óz isiniń bilikti mamany retinde sipattaidy.
Bank of America basshylyǵy qyzmetkeriniń qazasyna bailanysty kóńil aityp, onyń bank ujymy úshin mańyzdy maman bolǵanyn málimdedi.
Qazir oqiǵanyń barlyq mán-jaiyn anyqtaý úshin tergeý júrgizilip jatyr.
