Ózbekstan prezidenti Shavkat Mirziioev reseilik áriptesi Vladimir Pýtinmen kezdesý barysynda elde AES salý jónindegi qujatqa qol qoiatynyn jetkizdi, dep habarlaidy Dalanews.kz.
Pýtin memlekettik saparmen Ózbekstanǵa keldi. Munda eki el arasynda salmaqty kelissózder júrgizilýde. Naqtyraq aitsaq, memleket basshylary Ózbekstanda salynatyn AES qurylysyna bailanysty ózara ymyraǵa keldi.
"Búgin biz Ózbekstanda qýattylyǵy az atom elektr stantsiialaryn salý jóninde mańyzdy kelisimge qol qoiamyz. Strategiialyq jobany júzege asyrýdy jedeldetý úshin onyń sharttary men tehnikalyq qurylymdaryn uzaq ýaqyt boiy sarapshylar deńgeiinde talqylap kelemiz", - dedi Mirziioev.
Eske salaiyq, 2018 jyly qyrkúiekte Ózbekstan Reseimen atom elektr stantsiiasynyń qurylysy týraly áriptestik týraly kelisimge qol qoiǵan. Esh eskertýsiz qabyldanǵan sheshim Ózbekstanǵa kórshiles ornalasqan memleketterdiń alańdaýshylyǵyn týdyrǵan bolatyn.
Derekterge súiensek, AES Ózbekstan-Qazaqstan shekarasynan 40 kilometr jerde ornalasqan Jizaq oblysy Tuzqan kóliniń mańynda salynady degen jospar bar. Bul - Aidar-Arnasai kólder júiesiniń bóligi. Munda strategiialyq mańyzdy nysan Shardara sý qoimasy oryn tepken. Sonymen qatar zaýyt úsh million halyqty qamtyǵan Ózbekstan astanasy Tashkentten nebári 140 km qashyqta boi kórsetpek.
Sondyqtan joba Ortalyq Aziiadaǵy ekologiialyq tepe-teńdik pen investitsiialyq ahýalǵa qaýip tóndirip, aimaqtyq qaýipsizdik shielinisterin odan ári ýshyqtyrýy múmkin. Qala berdi Ózbekstannyń Reseige strategiialyq turǵydan táýeldi bolý kórsetkishi de artpaq.
Al sarapshylar munda magnitýdasy 6,0-6,5-ke deiin, tipti odan da joǵary jer silkinisi bolady dep dabyl qaǵýda. Rasymen de, Ózbekstannyń birneshe qalasynda seismikalyq belsendilik joǵary. Sonyń ishinde zaýytqa jaqyn jerde ornalasqan Jizaq eldi-mekeni jer silkinisine sezimtal aimaq ekenin atap ótken jón. Rihter shkalasy boiynsha bul jerde 9 balldyq apat bolýy múmkin.
