Áleýmettik jelide Túrkistan óńiriniń týmasy men Ulytaý oblysynyń turǵyny arasyndaǵy nekege qatysty daý qyzý talqylanyp jatyr. Jazba avtory boijetkenniń óz erkimen turmysqa shyqqanyn, alaida keiin "meni alyp qashty" dep aryz jazǵanyn málimdedi, dep habarlaidy dalanews.kz.
Jelide taraǵan aqparatqa sáikes, Aida esimdi boijetken Ulytaý oblysy Qarsaqbai kentiniń turǵyny Nursultan esimdi azamatpen toǵyz ai boiy qyz-jigit bolyp aralasqan. Avtordyń aitýynsha, eki jas otbasyn qurýǵa ózara kelisip, 2026 jylǵy 15 shildede boijetken Qarsaqbai kentine kelin bolyp túsken.
«Aida Nursultanmen toǵyz ai boiy qyz ben jigit retinde aralasyp, turmysqa shyǵýǵa óz erkimen kelisim berdi. Keiin Qarsaqbai kentine kelin bolyp tústi», – delingen áleýmettik jelidegi jazbada.
Alaida keiin boijetken "meni alyp qashty" degen mazmunda aryz túsirgen.
"Qyz óz erkimen kelin bolyp tústi. Soǵan qaramastan, artynan “meni alyp qashty” dep aryzdanǵan. Endi aryzdy qaitaryp alý úshin 5 million teńge talap etip otyr", - deidi jazba avtory.
Kúieý jigittiń otbasy áleýmettik jeli arqyly kópshilikten jáne quzyrly organdardan oqiǵanyń mán-jaiyn anyqtaýǵa kómektesýdi surady.
