2026 jylǵy 1 sáýirden bastap Qazaqstanda memlekettik qyzmetke ornalasýdyń jańa tártibi qoldanyla bastady. Endi úmitkerler konkýrstyq irikteýge qatysý úshin eqyzmet.gov.kz portaly arqyly tirkelýi qajet, dep habarlaidy dalanews.kz.
Qazaqstan Respýblikasy Memlekettik qyzmet isteri agenttiginiń Almaty oblysy boiynsha departamentiniń málimetinshe, júiege tirkelý úshin jeke sáikestendirý nómiri men elektrondyq tsifrlyq qoltańba qajet.
"Jańa tártip memlekettik qyzmetke irikteý rásimderiniń ashyqtyǵyn qamtamasyz etýge, úmitkerlerdiń kásibi qabiletteri men jeke qasietterin baǵalaýǵa, sondai-aq memlekettik qyzmetke bilikti mamandardy tartýǵa baǵyttalǵan", – delingen departament habarlamasynda.
Jańa júie arqyly úmitkerler bos memlekettik laýazymdardy qarap, ózine sáikes qyzmetti tańdai alady. Konkýrstyq irikteýdiń negizgi kezeńderi elektrondy formatta júrgiziledi.
