Memleket eks-prezidenttiń inisi Bolat Nazarbaevpen bailanysty bolǵan Shamalǵan aýylyndaǵy 142 ga jer ýchaskesin taǵy da sata almady. Bul týraly aqparat elektrondyq saýda alańynyń saitynda paida boldy, dep habarlaidy Dalanews.kz.
Búgin, 5 aqpan kúni, saǵat 10:00-de memleket qaitarylǵan aktivterdi basqarý kompaniiasynyń atynan Almaty oblysynyń Shamalǵan aýylyndaǵy kórkem jailaýda ornalasqan 142 ga jerdi ekinshi ret aýktsionǵa qoidy. Onyń bastapqy baǵasy 127,8 mln teńge boldy.
Alaida aýktsion ótpedi. Sebebi: aýktsion bastalǵan sátte tirkelgen qatysýshylar bolmaǵan.
Saýdaǵa qoiylǵan jer Nazarbaevtar otbasyna tiesili «Úsh-Qońyr» rezidentsiiasynyń janynda ornalasqan. Resmi derekterge sáikes, 2016-2020 jyldar aralyǵynda bul jer Janar Aldash pen Erik Seitovqa tiesili bolǵan. 2020 jyldyń jeltoqsanynda ol «Steppe AgroMeat» JShS-ne satyldy. Al 2024 jyldyń qyrkúieginde menshik iesi bul jerdi qaitarylǵan aktivterdi basqarý kompaniiasyna syiǵa tartqan.
«Steppe AgroMeat» JShS-niń quryltaishylary arasynda, ol memleketke berilgenge deiin, Bolat Nazarbaevtyń uly Nurbol Nazarbaevpen bailanysty kompaniialar bolǵan. Nurbol Nazarbaev 2022 jyldan beri Qazaqstannyń eń bai kásipkerleriniń tizimine engen. 2024 jyly Forbes Kazakhstan jýrnaly onyń bailyǵyn 170 mln dollar dep baǵalady.
eGov anyqtamasyna sáikes, 2023 jylǵa deiin «Steppe AgroMeat» kompaniiasynyń benefitsiary Bolat Nazarbaev bolǵan.
