Jambylda júkti kelinshek jumbaq jaǵdaida kóz jumdy. Soraqysy sol 25 jastaǵy jas ananyń máiitin, qoima ishine jasyryp qoiǵan deidi jaqyndary. Sumdyq jaǵdai Shý aýdandyq kópbiindi ortalyq aýrýhanasynda bolǵan, dep habarlaidy Dalanews.kz Informbiýro-ǵa siltep.
Marqum áiel sońǵy habarlamasynda joldasyna aýrýhanadan góri halyq emine júgineiik dep jalynypty. Biraq, jansaqtaý bóliminde jatyr dep eshkimdi jýytpapty. Jasyryp otyr ma dep máiithana baryp tekseredi. Onda da joq bolyp shyǵady.
Dálizdegi qýys qoimadan máiitin tapqan týystary aqhalattylardyń arty qýys ekenine senimdi. Jarty aidan beri dárigerlerdiń baqylaýynda bolǵan Ádemi Eshenalievaǵa esh em qonbady deidi. Besinshi kúni jaǵdai ýshyǵyp jansaqtaý bólimine túsken. Sol kúngi kezekshi akýsher Ádemini ájethanadan taýyp alǵanyn aitady.
"Birdeńe tars ete qaldy. Sanitarkada mende estidim. Óitkeni tishina boldy priam balada jylaǵan joq. Túngi saǵat ekiden 38 ketken ýaqytynda júgirip bardyq. Dárethanaǵa júgirdik. Barsam esik ashylmaidy, "Ádemi, Ádemi" dedim. Jai ashtym da, kirsem jatyr eken. Ádemi, Ádemi desem ún joq", deidi kezekshi akýsher Sandýǵash Bekenova.
Biraq bul aitylǵandy týystary joqqa shyǵarady. Olardyń aitýynsha, Ádemi ájethanada uzaq jatyp qalǵan. Óitkeni, beinebaqylaýdaǵy ýaqyt pen dárigerlerdiń aitqany sai kelmeidi deidi týystary.
Al jansaqtaý bóliminiń dárigerleri jarytyp jaýap bere almady.
"Bizden áli jaýap alyp jatyr. Áli sot saraptamasy júrip jatyr. Men tolyq aqparat bere almaimyn. Reanimatsiiaǵa kirgende jany boldy ma? Ol jaǵyn aita almaimyn. Qalai? Eshteńe aita almaimyn. Al dárethanada qalai jatyp qalǵanyn bilmei qaldyńyzdar? Men ol týraly eshteńe aita almaimyn", deidi jansaqtaý bóliminiń dárigeri Ǵani Baisymaqov.
